Сэлэнгэ Бодонс хагас бөмбөгийн зөрүүтэй хожил авав
УИХ-ын гишүүнээр ажиллаж байсан хүмүүсийн хүүхэд, дүү, ач зээ буюу удам дамжсан УИХ-ын гишүүдийг танилцуулж байна.
Батбаярын Жаргалан
Эдийн засаг хөгжлийн сайд, УИХ-ын гишүүн асан Н.Батбаярын охин Б.Жаргалан 2024 оны УИХ-ын сонгуульд Ардчилсан Нам (АН)-аас нэр дэвшин УИХ-ын гишүүн боллоо.
АН-ын Ардчилсан эмэгтэйчүүдийн холбооны ерөнхийлөгч тэрбээр энэ удаагийн сонгуульд АН-ын жагсаалтын 14 дүгээрт бичигдсэн юм.
Гончигдоржийн Уянгахишиг
ХҮН намын жагсаалтын эхний зургаан нэр дэвшигч УИХ-ын гишүүнээр сонгогдох болзол хангаснаар тус намын жагсаалтын 4 дүгээрт бичигдсэн Г.Уянгахишиг УИХ-ын гишүүн болов. Түүний аав Р.Гончигдорж УИХ-ын гишүүнээр дөрвөн удаа сонгогдож Монгол Улсын дэд ерөнхийлөгч, УИХ-ын дарга, дэд дарга зэрэг албан тушаалыг хашиж байв.
Энхбаярын Батшугар
Монгол Улсын гурав дахь ерөнхийлөгч Н.Энхбаярын хүү Э.Батшугар УИХ-ын ээлжит сонгуульд 11-р тойрог буюу Сонгинохайрхан дүүрэгт Монгол Ардын Нам (МАН)-аас нэр дэвшиж, хамгийн олон санал авснаар УИХ-ын гишүүнээр сонгогдлоо.
Ийнхүү тэрээр УИХ-д 2 дахь удаагаа сонгогдох болзлоо хангасан юм.
Дуламын Бум-Очир
Ерөнхийлөгчийн соёл, шашны бодлогын зөвлөх Д.Бум-Очир МАН-ын жагсаалтын 15 дугаарт бичигдэн УИХ-ын гишүүн боллоо. Түүний аав Монгол Улсын ардын багш С.Дулам 2000-2004 онд УИХ-ын гишүүнээр сонгогдон ажиллаж байв.
Ухнаагийн Отгонбаяр
Монгол Улсын ерөнхийлөгч Ухнаагийн Хүрэлсүхийн дүү Ухнаагийн Отгонбаяр УИХ-ын сонгуулийн 6-р тойрог буюу Дорнод, Сүхбаатар, Хэнтий аймагт МАН-аас нэр дэвшиж УИХ-ын гишүүнээр сонгогдов.
Сайнбуяны Амарсайхан
Шадар сайд С.Амарсайхан 2024 оны УИХ-ын ээлжит сонгуульд 13 дугаар тойрог буюу Багануур, Багахангай, Налайх дүүрэгт МАН-аас нэр дэвшиж, УИХ-д хоёр дахь удаагаа сонгогдож байна.
Онцгой байдлын сайд асан түүний ах Сайнбуяны Отгонбаяр 2004-2008 онд мөн УИХ-ын гишүүнээр ажиллаж байв.
Шинэбаярын Бямбасүрэн
УИХ-ын сонгуулийн 6-р тойрог буюу Дорнод, Сүхбаатар, Хэнтий аймагт нэр дэвшин сонгогдсон АН-ын ганц нэр дэвшигч бол Ш.Бямбасүрэн. Түүний аав Ц.Шинэбаяр 2008-2012 онд Дорнод аймгаас Улсын Их Хуралд сонгогдон ажиллаж байсан билээ.
Пүрэвийн Батчимэг
УИХ-ын гишүүн асан Г.Батхүүгийн төрсөн дүү П.Батчимэг 2024 оны УИХ-ын ээлжит сонгуульд АН-ын жагсаалтын 12 дугаарт бичигдэн нэр дэвшиж, УИХ-ын гишүүн болов.
Аюушийн Ариунзаяа
Ерөнхий сайд асан П.Жасрайн зээ охин А.Ариунзаяа УИХ-ын ээлжит сонгуульд МАН-аас нэр дэвшиж, УИХ-ын гишүүн боллоо. МАН-ын жагсаалтын 12 дугаарт бичигдсэн тэрээр 2020-2022 онд Хөдөлмөр, нийгмийн хамгааллын сайдаар ажиллаж байсан юм.
0
1
0
0
0
0
1
1
Amarsaihanii ah Otgonbayariin huu n Battulga guain ohinii nuhur…
Жагсаалтын гишүүдээ л анхаар ч бич дээ тэд намдаа ихээхэн мөнгө эсвэл ам гарч л орсон байх тойргоос сонгогдсон хэд бол яахав сонгогдохгүй ч байж болох л байсан эрсдэл ихтэй шүү дээ