Г.Наранцэцэг: Жүдо бөхийн Дэлхийн аварга болохыг зорьж бэлтгэж байна
Бяцхан биедээ багтамгүй их ухаанаар ээж, аав, дүүгээ хайрлаж, “бушуухан том болоод, ээждээ тусална” гэж яардаг М.Ихэр-Очирт хүү эмэгтэйчүүдийн эрхийг хамгаалах өдрийг тохиолдуулан ээждээ гэнэтийн бэлэг барилаа.
Дуртай цэцгийг нь сонгоод, хэлэх сэтгэлийн үгээ шөнөжин бэлдэж, цээжилсэн М.Ихэр-Очирт хүү одоо тавдугаар анги. Тэрээр ээждээ гэнэтийн бэлэг барих гэж байгаа сэтгэгдлээ хуваалцаж ийнхүү ярилаа.
ЭЭЖ ГАРЧ ИРЭХГҮЙ БОЛ ХАМГААЛАГЧ АХААС ГУЙГААД ОРНО ДОО
М.Ихэр-Очирт: Би яг одоо маш их догдолж байна. Ээждээ баярын мэнд хүргэж амжаагүй байгаа. Өмнө нь ээждээ зураг зураад л бэлэглэдэг байсан. Дүү бид хоёрыг халамжилж, хайрлаж, өвдөхөд санаагаа зовоож байдаг ээждээ туслахын тулд хурдхан том болмоор санагддаг. Ээждээ зориулсан мэндчилгээний үгээ өчигдөр орой сууж бичсэн юм. Тэгэхэд ээж жаахан уурласан. “Эрт унтаж амар” гээд л. Гэхдээ мэндчилгээний үг бичиж байгаагаа би хэлээгүй. Шалтгааныг нь та маргааш мэднэ ээ л гэсэн. Одоо цэцэг, шоколад өгөх гэж байгаадаа маш их баярлаж байна. Гэхдээ ээж ажлаасаа гарч ирэх үү, үгүй юу гэдэг л байна. Гарч ирэхгүй бол хамгаалагч ахаас гуйгаад орно доо.
Ингээд бид хүүгийн ээжийн ажил дээр ирсэн юм. Ээж рүүгээ шууд залгалгүй, ажлынхан найзын утас руу залгаж, шивнэсэн хоолойгоор, “Эгч ээ би ээждээ гэнэтийн бэлэг барих гэсэн юм. Та манай ээжийг дагуулаад гараад ирж чадах уу” гэсээр, хүү ээждээ гэнэтийн бэлгээ барьж, баярлууллаа.
“…Хайртай шүү ээж ээ. Таны минь ухаан, тэвчээр бүхнээс үнэтэй юм шүү. Та минь намайг энэ хорвоод төрүүлж, өсгөсөн хамгийн нандин хүн. Танд хамгийн сайн сайхныг хүсэж, үргэлж инээмсэглэн, аз жаргалтай байгаасай гэж хүсэж байна. Ээждээ Март-8-ны мэнд хүргэе…”
ЭЭЖИЙНХЭЭ ТҮШИГ, ТУЛГУУР БОЛСОН ХҮҮ МИНЬ ДЭНДҮҮ УХААНТАЙ
Харин хүүгийн ээж Б.Мягмарбаясгалан ярихдаа, “Хүү минь үнэхээр гэнэтийн бэлэг барьж чадлаа. Өнөөдөр даанч утсаар холбогдохгүй, чат бичихээр, хичээлтэй байна гээд байсан. Өчигдөр орой их л завгүй байгаад байсан юм. Манай хүү их романтик шүү дээ. Ээжийнхээ түшиг, тулгуур болдог юм. Гэр бүлийнхнийгээ хайралдаг, эмэгтэй хүнийг хүндэлж сурсан хүүгээрээ их бахархдаг. Хүүгээ хаана ч ярьсан бахдаж, баярладаг даа. Дөрвөн настайгаас нь хойш миний хүүгийн аав гадаадад ажиллаж, амьдарсан. Тийм болохоор бусдыг хайрлах сэтгэл нь маш том гэж ярилаа.
1
0
1
1
0
0
0
0
