Categories: МЭДЭЭ, ОНЦЛОХ МЭДЭЭ, СПОРТ2025-02-27

Ж.Номин: Хайрынхаа аливаад буурь суурьтай ханддаг зан чанараар их бахархдаг

Нийтэлсэн: А.Алтанчимэг
2025.02.27 16:46

427630852_10160018033275949_3500739165629383606_n

Монгол улсын сагсан бөмбөгийн спортын ертөнцөд 6 дахь гавьяат мэндэллээ. Тэрбээр ид тоглож байх үедээ төрдөө үнсүүлэн МУГТ цол хүртсэн Монголын анхны сагсан бөмбөгч боллоо.

Тамирчин хүний ар талд асаалттай танк мэт байдаг гэр бүл, ахан дүүс, найз нөхөд тэдэнд маш их зориг, тэвчээр, урам дэм, сэтгэлийн тэнхээний тулах хүч нь болж өгдөг билээ. Өнөөдөр хүндэтгэлийн арга хэмжээний үеэр түүний гэргий Ж.Номин болон дунд охин Б.Сайнзаяа нартай цөөн хором ярилцсанаа хүргэж байна.

Ж.Номин: Ханийнхаа аливаад тэвчээртэй, буурь суурьтай ханддаг зан чанараар маш их бахархдаг

Миний хайрын өнөөдрийг хүртэл спортод зарцуулсан цаг хугацаа, хөлс хөдөлмөрийг үнэлээд ийм өндөр нэр хүндтэй шагналыг олгож буйд Төрдөө болон Төрийн тэргүүндээ мөн төрийн бусад албан хаагч нартаа баярлалаа.

Энэ шагналыг дагаад манай хань ижил болон бид нарын хувьд маш том хариуцлага бий болж байна гэж үзэж байна.

Иймээс энэ том хариуцлагыг дааж явахын төлөө бүх хүч чадлаа дайчилж амьдарнаа.

440859844_10160128016215949_3635388315343436649_n

Билгүүнээгийн хувьд маш их тэвчээртэй. Дээрээс нь аливаа зүйлийг маш их буурь суурьтай хүлээж авдаг. Тэгээд юу юуны түрүүнд сэтгэл хөдлөлөөр хандана гэсэн тийм зүйл маш ховор бий.

Жишээлбэл өнөөдөр ч гэсэн энэ шагналыг авахын тулд мах их бодож, нэлээн эсэргүүцэж байгаад эцсийн минутанд л за за, одоо авъя даа гэдэг шийдвэрийг гаргаж байналээ.

Тэгэхээр манай хүний хувьд төдийгөөс өдий хүртэл энэ их алдсан цаг хугацаа, дээр нь нэмээд хэлэхэд зарим хүмүүсээс маш их эсэргүүцэл ирдэг. Сошиал орчинд эсрэг хандлага маш их ирдэг.

Тэр болгон дээр маш их тэвчээртэй ханддаг. Тэгээд би хань ижлийнхээ энэ зан чанараар маш их бахархаж явдаг.

Бидний хувьд маш их баяртай байна.

Манай шигшээ багийн залуучууд, дараагийн үе маань ч бас маш их хүчтэй гарч ирж байна. Тэр дундаа залуу тамирчдадаа Билгүүн маань аль болох манлайлах, үлгэрлэх, ядаж дэг журам зэрэг дээр илүү зөвөөр үлгэрлэхийг хичээж явдаг.

Ази тивийн АШТ-ний урьдчилсан шатанд манай улсын шигшээ баг бол үнэхээр том амжилт гаргасан гэж үзэж байгаа. Би тэрэнд нь маш их баяртай байна.

460622065_10160481653855949_4781756102326618818_n

Охин Б.Сайнзаяа: Аав маань маш их хичээсэн, үнэхээр маш их бахархаж байна.

Маш их баярлаж байна. Аавынхаа өмнөөс маш их баяртай байна.

Аавдаа маш их хайртай. Нуруу нь гэмтэлтэй байсан болохоор лиг дээр нэг их тоглохгүй байсан. Бэртэлтэй байсан ч улсынхаа шигшээ багийнхаа төлөө бүхнээ дайчлан хичээж зүтгэсэн. Одоо дээд лигийн талбайд плей-оффоос эхлэн тоглох байх аа.

Манай аав ерөөсөө яг л ээж шиг байдаг. Миний хувьд ер нь хоёр ээжтэй юм шиг л байдаг даа. Аав маань яг л ээж шиг байнга надад маш их санаа тавьдаг. Хүүхдүүдээ маш их хайрладаг. Мундаг аав гэж боддог доо.

Манай гэр бүл гурван охинтой. Манай эгч байна, гадаадад сурдаг. Би, манай эмэгтэй дүү охин одоо сургууль дээрээ бий. Манай хамгийн бага эрэгтэй дүү.

Манай аав маш гоё хоол хийдэг. Тэгээд яг баярын өдрүүдээр бидэнд гоё хоол хийж өгдөг. Тэр дундаа Солонгос хоолыг их бөгөөд маш гоё амттай бэлтгэдэг.

Ер нь гурван охидуудтай маш их хайртай. Эрэгтэй дүүд ч гэсэн хайртай. Ер нь л бүгдэд нь маш их хайртай даа.

Ярилцсанд баярлалаа.