Г.Наранцэцэг: Жүдо бөхийн Дэлхийн аварга болохыг зорьж бэлтгэж байна
2023 онд улсын хэмжээнд угаарын хийн хордлогын улмаас 3000 гаруй хүн эмнэлгийн тусламж үйлчилгээ авч, 61 хүн нас барсан. Харин 2024 оны эхний 4 сарын байдлаар 1000 орчим хүн угаарын хийн хордлогын улмаас эмнэлгийн тусламж үйлчилгээ авч, 20 хүн нас барсан байна.
Нийслэлийн түргэн тусламжийн төвд өдөрт дунджаар 5-7 өрхийн угаарын дуудлага бүртгэгддэг талаар эмч мэргэжилтнүүд хэлж байна. Өөрөөр хэлбэл нэг өдөрт 9 том хүн 10 гаруй хүүхэд угаартаж, хордож байгаа гэсэн үг.
Тухайлбал,
2024.03.23
СХД-ийн 6 дугаар хорооны нутагт дэвсгэрт нэг айлд 29-55 насны 10 иргэн нэг дор угаартсан шинжтэй нас барсан.
2023.11.26
БЗД-ийн 8 дугаар хороонд 33 настай эмэгтэй бага насны 3 хүүхдийн хамт угаартаж амь насаа алдсан.
2021.05.26
СХД-ийн 26 дугаар хороонд эхнэр, нөхөр, хоёр хүүхдийн хамт угаарын хийд хордож, амиа алдсан.
2020.10.07
БЗД-ийн 22 дугаар хороонд 60 орчим насны ахмад, 8 настай ач хүүгийнхээ хамтаар угаартаж, амиа алдсан.
2020.09.30
БЗД-ийн тавдугаар хороонд таван настай хүүхэд угаартаж нас барсан.
2020.02.08
СХД-ийн нэгдүгээр хороонд гурван настай хүүхэд угаартаж нас барсан.
Дээр дурдсан ослуудын шалтгаан нь бүгд ижил төстэй. Яндангаа буулгаад өрхөө бүтээсэн байсан, угаарын хий мэдрэгч ажиллаагүй, зайг нь салгасан байсан, эсвэл хий мэдрэгчгүй байсан гэх.
Дэлхий дээр санамсаргүй хордлогын улмаас нас барах хамгийн түгээмэл шалтгаан нь нүүрстөрөгчийн дан исэл буюу CO гэж бүртгэгджээ. Нүүрстөрөгчийн дан ислийн өндөр агууламж нь үхэлд хүргэх маш хортой хий тул “ЧИМЭЭГҮЙ АЛУУРЧИН” гэж нэрлэдэг. Учир нь өнгөгүй, үнэргүй, амтгүй учраас тусгай зориулалтын тоног төхөөрөмжгүйгээр илрүүлэхэд хүндрэлтэй байдаг байна.
Жил бүр 50-60 хүн амиа алдсаар байхад, хэн ямар арга хэмжээ авах вэ?
Нийслэл хотод тулгамдаж буй утаа, түгжрэл зэрэг асуудлуудыг шийдвэрлэхэд дараах төсвийг төлөвлөжээ.
- Нийслэлийн авто замын түгжрэл, түүний сөрөг нөлөөллийг бууруулах, нийтийн тээврийн хүртээмж чанар, стандартыг сайжруулах арга хэмжээний хүрээнд 345 тэрбум 264 сая төгрөг,
- Түгжрэлийг бууруулах судалгаа хийж, олон улсын сайн туршлагыг нэвтрүүлэх ажилд 12 тэрбум 24 сая төгрөг,
- Улаанбаатар хотын агаар, орчны бохирдлыг бууруулах цогц арга хэмжээг хэрэгжүүлэхэд 60 тэрбум 460 сая төгрөгийг тусгасан байна.
Бид энэ долоо хоногийн ням гарагт утаа тойрсон асуудлуудаар бэлтгэсэн “СӨРӨГ ХҮЧИН” нэвтрүүлгийн шинэ дугаарыг үзэгч танд хүргэнэ. Нэвтрүүлэгт, шахмал түлшээ шат ахиулсан ямар шийдэл байгаа, агаарын бохирдол иргэдийн эрүүл мэндэд хэрхэн нөлөөлж байгаа, өдөрт хэдэн хүн угаартаж, жилд дунджаар хэчнээн хүн нас бардаг, түлшний чанарын асуудалд Тавантолгой түлш ХХК-ийн төлөөллүүд, салбарын сайд ямар тайлбар өгсөнийг нэгтгэн хүргэх болно.
0
0
0
0
0
0
0
0
