Г.Наранцэцэг: Жүдо бөхийн Дэлхийн аварга болохыг зорьж бэлтгэж байна
…Бид энэ удаа 30 гаруй жил номын худалдаа эрхэлж буй Ц.Ширэндэвтэй ярилцлаа. Тэрээр одоо 70 настай. Гэрийн бараа сахих дургүй түүний амьдралын нэгэн зорилго бол хүүхдүүдийнхээ ачийг хариулах явдал юм. Ц.Ширэндэв гуай энэ талаараа хуучлахдаа, “Хүн үр хүүхдийнхээ ч ачийг хариулах хэрэгтэй. Үр хүүхэд гэдэг, эх эцэг бурхны оронд явсны дараа, эргээд бидэнд тус болдог. Тиймээс үр хүүхдийн ачийг хариулах хэрэгтэй. Түүнээс биш чи намайг ачлах ёстой гээд сууж болохгүй байх аа” гэсэн юм.
Тэрээр цааш үргэлжлүүлэн “Намайг бурхны оронд очсон ч гэсэн хүмүүс, “тэнд нэг эгч ном зарж байсан даа” гэж ярина. Би худлаа ярьж, хулгай хийгээгүй ээ. Тийм болохоор миний мөр цагаан байх болов уу гэж боддог.
Би Дундговь аймгийн Дэлгэрцогт сумын харьяат. Одоо 70 нас хүрч байна. Тэтгэвэрт гараад ном зарж эхэлсэн. Номын буян, ард түмний буян их бий. Би өдийгөөс төдий хүртэл амьдрахдаа, өвдөж, олон хагалгаа хийлгэж байсан. Эмч нартаа их баярладаг. Маш олон эмч миний амины төлөө 20-30 жил тэмцсэн юм шүү. Мөн монголынхоо ард түмэнд баярладаг. Бүх хүүхдүүддээ бас баярладаг. Хүн үр хүүхдийнхээ ч ачийг хариулах хэрэгтэй. Үр хүүхэд гэдэг, эх эцэг бурхны оронд явсны дараа, эргээд бидэнд тус болдог. Тиймээс үр хүүхдийн ачийг хариулах хэрэгтэй. Түүнээс биш чи намайг ачлах ёстой гээд сууж болохгүй байх аа. Би тэгж л боддог.
Би 1989 оноос ном зарж эхэлсэн юм. Хамгийн сайхан нь, энэ олон номоос мэдэх мэдэхгүй олон ном бий шүү дээ. Ядаж л оршлыг нь уншина. Тэгж байж хүнд хэлэх үгтэй сууна. Тэгэхгүй, юу ч мэдэхгүй сууж байвал хүн ном авахгүй. Хоёрдугаарт наймаа гэхээс илүү номоор хүнд үйлчлэх л сайхан. Надад наймаа арилжаа нэг их сонин биш. Би анх номны талаар, хүний талаар юу ч мэддэггүй л байсан. Одоо бол хүнийг хараад л мэднэ дээ. Өдөржин гэртээ суух юм бол надад уйтгартай. Тиймдээ ч өвөл зунгүй эндээ суудаг. Одоо бол гадаа хүйтрэх нь гайгүй болсон. Анх би Арслантай гүүрэн дээр 14 жил зогссон. Яг тэр голын мөсөн дээр. Тэгэхэд л их хүйтэн байсан даа. Одоо бол өөр” гэлээ.
Дэлгэрэнгүйг ЭНД дарж үзнэ үү.
0
0
0
0
0
0
0
0
