Алхам алхмаар урагшилсан Мах импэкс ХК-ийн захирал Б.Бадмаагийн түүхээс…

Мах импэкс ХК-ийн захирал Батбаярын Бадмаа гэж хэн бэ?

Алхам алхмаар урагшилж, амжилтыг тодорхойлох цэгтээ хүрсэн, эсвэл дөхсөн, үлгэрлэхүйц хүмүүсийн нэг бол Мах импэкс ХК-ийн захирал Б.Бадмаа юм. Спортын сэтгүүлчээр ажлын гараагаа эхлүүлсэн гэх намтартай түүний амьдрал эгэл бор олон түмнээс гоцрох, ялгарах, дээрдэх зүйлгүй эхэлсэн. Зах зээлийн эдийн засагт шилжсэн, тогтворжиж амжаагүй нийгэмд тэр олон аавын хүүгийн хийдэг хар ажлыг ханцуй шамлан нугалсаар хүүхэд насаа өнгөрөөжээ. Ажлыг хар бараан гэж гололгүй, хүүхэд байхаасаа хичээж, хөдөлмөрлөсөн түүний амьдралыг  бага ч атугай өөрчилсөн нэг зүйл бол яахын аргагүй дээд боловсрол эзэмшиж, сэхээтний эгнээнд шилжсэн явдал байлаа. Хөдөлмөрөөр хүмүүжсэн тэр ингэж амьдралын баялаг боломжуудын  зах зухаас амсаж эхэлсэн юм.

Сургуулиа ч төгсөж амжаагүй нэгдүгээр дамжааны хүү Өдрийн сонинд спортын сэтгүүлчээр ажиллаж, сурах дөрвөн жилийн хугацаандаа мэргэжилдээ “эзэн” болоод зогсохгүй, хос аварга төрсөн олимпын наадмыг сурвалжилж явсан. Үүнээс харвал салбарын томчууд түүнийг хэрхэн тоож байсан нь тодорхой.  Ингээд эхний зорилгоо оюутан байхдаа биелүүлчихсэн шинэхэн сэхээтэн залуу дараагийн шат руугаа гарах шинэ сорилтын өмнө нүүр тулсан нь Мах импэкс байв.

Алхам тутамдаа, аль ч салбарт өсөх ирээдүйтэй залуу үе гэдгээ баталсан тэр олон жилийн түүхт хүнсний үйлдвэрийн маркетингийн менежерээр ажиллаж эхлээд, хоёр жил тутам албан тушаал ахисаар, захирал болтлоо дэвшээд арван жилийг үджээ.

Тэрээр,

• 2004-2008 Үндэсний өдөр тутмын “Өдрийн сонин”-д спортын сэтгүүлч
• 2008-2010 “Мах Импэкс” ХК-д Маркетингийн менежер
• 2010-2012 “Мах Импэкс” ХК-д Маркетингийн албаны дарга
• 2012-2013 “Талх Чихэр” ХК-д Стратеги, бодлого зохицуулалт төлөвлөлтийн газрын дарга
• 2014-2024 “Мах Импэкс” ХК-ийн Захирал

Хамт олныхоо халуун сэтгэлд тэврүүлэхдээ тэврүүлж, тэврэхдээ  тэвэрч 16 жилийн түүх бүтээлцсэн түүний зорилго,  80 жилийн түүхтэй хүнсний үйлдвэрээ музей чигээр нь хадгалах бус, олон улсын жишгийг бий болгож, дэлхийг монгол бүтээгдэхүүнээр дайлах хэмжээнд хүрэх зорилго өвөртлөн урагшилж байна. 2023 онд Мах импэкс ХК-ийн хамт олон нэг хоногт 50 тонн бүтээгдэхүүн үйлдвэрлэх хүчин чадалтай шинэ үйлдвэрээ нээснийг энд дурдах нь зүй. Түүний хамт олондоо дэлгэсэн халуун сэтгэл олон зүйлсээс харагддаг. Тэрээр компанийн ажилтнуудынхаа кофе уугаад, том цонхоор харж эморох тав тухыг нь хүртэл бодолцож оффисоо тохижуулахаас гадна, бие бялдаржуулах фитнесийн хэрэгцээг нь хүртэл талбайдаа шийджээ. Тэгээс эхлээд энд хүрсэн тэр, өөртэй нь ижил тэгээс эхэлж буй залуусыг ингэж дэмждэг.

Шат ахисаар, ахисаар өнөөдөр тэр зөвхөн өөрийнхөө, гэр бүлийнхээ, хамт олныхоо төлөө биш нийт Сонгинохайрханчуудынхаа төлөө ухаан чилээх сонголт хийгээд байна.