Categories: ОНЦЛОХ МЭДЭЭ, УЛС ТӨР2024-04-25

Танилц: Дөрөвдүгээр тойрогт нэр дэвших хүсэлт гаргасан “хачирхалтай” хүмүүс

Нийтэлсэн: Б. Одгэрэл
2024.04.25 08:13

УИХ-ын ээлжит сонгууль энэ оны зургаадугаар сарын 28-ны өдөр болно. Монгол Улсын Их Хурлын сонгуулийн тойргийг нийт 13 байхаар тусгасан. Дөрөвдүгээр тойрог найман мандаттай.

Тодруулбал,

Архангай, Баянхонгор, Өвөрхангай аймгуудыг нэгтгэн 1-р тойрог;
Говь-Алтай, Завхан, Увс, Ховд аймгуудыг нэгтгэн 2-р тойрог;
Баян-Өлгий аймаг 3-р тойрог;
Булган, Орхон, Хөвсгөл аймгуудыг нэгтгэн 4-р тойрог;
Дархан-Уул, Сэлэнгэ, Төв аймгуудыг нэгтгэн 5-р тойрог;
Дорнод, Сүхбаатар, Хэнтий аймгуудыг нэгтгэн 6-р тойрог;
Говьсүмбэр, Дорноговь, Дундговь, Өмнөговь аймгуудыг нэгтгэн 7-р тойрог;
Баянзүрх дүүрэг 8-р тойрог;
Баянгол дүүрэг 9-р тойрог;
Сүхбаатар, Чингэлтэй дүүргүүдийг нэгтгэн 10-р тойрог;
Сонгинохайрхан дүүрэг 11-р тойрог;
Хан-Уул дүүрэг 12-р тойрог;
Багануур, Багахангай, Налайх дүүргүүдийг нэгтгэн 13-р тойрог юм.

Тэгвэл өнөөдрийн байдлаар Булган, Орхон, Хөвсгөл аймгуудыг нэгтгэсэн дөрөвдүгээр тойрогт нэр дэвших хүсэлтээ өгсөн 24 хүн байна. Тэдэн дунд олон нийтийн анхаарлыг татахуйц хэд хэдэн хүн байхын дээр нүүрсний хулгайг хянан шалгах түр хороогоор дүрээ халхалсан УИХ-ын дэд дарга Л.Мөнхбаатар ч буй. Л.Мөнбаатарын компани “Эрдэнэс Тавантолгой” ХК-аас БНХАУ-ын 13 компанид 270 тэрбум төгрөгийн нүүрс нийлүүлсэн баримт олон нийтэд дэлгэгдээд хагас жил өнгөрөөд байна.

Түүний араас Ард түмний хүч намын даргаар томилогдоод удаагүй байгаа Ламжавын Гүндалай. Тэрээр дөрөвдүгээр тойрогт бие даан нэр дэвших хүсэлтээ өгсөн байна. Нас сүүдэр 60 гарсан тэр ширүүхэн өрсөлдөгчдийн нэг. 2020 оны сонгуулиар АН-ын зарим гишүүдээс их санал авч байсан удаа бий. Санал хуваах процесс их чухал. Сонгох сонгогдох гол асуудал биш. Энэ бол сонгуулийн хувьд маш том тактик болох боломжтой.

Тэрээр,

2004 онд УИХ-ын гишүүнээр дахин сонгогдсон. Ингээд Эрүүл Мэндийн Сайд болох хүслээ ил тод илэрхийлж байв.
2008 оны 4 сард Ардчилсан Намд буцаж элсэн, мөн онд болсон УИХ-ын сонгуульд оролцож ялалт байгуулан 2012 он хүртэл ажилласан.
2006 онд өөрийн хүссэн суудлаа авсан ч жилийн дараа албан тушаалаасаа огцроход хүрсэн юм.

Булган аймгийн Засаг дарга О.Ариун-эрдэнэ. 2023 оны дөрөвдүгээр сард түүнийг үндэслэлгүй хөрөнгөжсөн гэх шалтгаанаар албан тушаалаас нь огцруулна гэх мэдээлэл цахим сүлжээнд хөвөрч байв. Тухайн үед түүний ХОМ-тэй танилцахад таван тэрбум төгрөгөөр үнэлэгдэх мал, нэг тэрбум төгрөгийн байртай гэх мэдээлэл байсан юм. Тэрээр 2020 онд ажлаа хүлээж авсан. Булган аймаг дахь Ардчилсан намын дарга юм. Түүнчлэн самбо бөхийн дэлхийн аварга, улсын аваргад хамгийн олон түрүүлсэн самбочдын нэг.

Харин О.Амартүвшин УИХ-ын ээлжит сонгуулиас эхлээд МҮХАҮТ, бүр Бөхийн холбооны Ерөнхийлөгчид хүртэл хүч үзсэн нэгэн.Тэрээр 2019-2023 онд МҮХАҮТ-ын Ерөнхийлөгчөөр ажилласан юм.

Мөн БОАЖ-ын сайд Б.Бат-Эрдэнэ МАН-аас нэр дэвших хүсэлтээ гаргажээ. Түүний өнгөрсөн хугацаанд эрхэлсэн ажлуудыг уншигч танд хүргэе

2015 онд Монгол Улсын Шадар сайдын зөвлөх
2015-2016 онд МХЕГ-ын дэд дарга
2016-2017 онд УИХ-ын тамгын газарт УИХ-ын гишүүний зөвлөх
2017-2018 онд Эрдэнэт хотын хөгжил бодлого судалгааны хүрээлэнгийн тэргүүн
2018-2019 онд Засгийн газрын Хэрэг эрхлэх газрын дэд дарга бөгөөд “Эрдэнэс Монгол” ХХК-ын ТУЗ-ын дарга
2019-2020 онд Эрдэнэт хотын хөгжил бодлого судалгааны хүрээлэнгийн тэргүүн
2020 оноос ББ САН-ийн Үүсгэн байгуулагч
2020-2022 онд Шударга өрсөлдөөн хэрэглэгчийн төлөө газрын Дарга
2022 оноос Байгаль орчин аялал жуучлалын Сайд

Ингээд та бүхэнд УИХ-ын дөрөвдүгээр тойргоос нэр дэвших хүсэлт өгсөн 24 хүнийг танилцуулж байна.