Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Нүүрсний экспортыг өдөрт 110,9 мянган тонн болгож, сарын өмнөхтэй харьцуулахад хоёр дахин нэмэгдүүлсэн талаар Засгийн газрын онцгой бүрэн эрхт төлөөлөгч Ж.Ганбат хэллээ. Мөн тэрбээр ЭТТ ХК-ийн санхүүгийн чадамж сайжирч, нүүрсний богино тээвэр идэвхжсэн тухай хэлсэн юм.
Тэрбээр энэ талаар ярихдаа, " ЭТТ ХК нийт 341,5 сая ам долларын 3,7 сая тонн нүүрс борлуулснаас 1,5 саяыг нь Гашуун сухайт боомтоор экспортолж борлуулсан. Бидний бүх үйл ажиллагаа ил тод нээлттэй, камержуулагдсан байдаг.
10 дугаар сарын 5-ны байдлаар 615 сая ам.долларын өр байсан бол өнөөдөр 150 сая ам.долларыг төлж 451 саяын үлдэгдэлтэй байна. Мөн уурхайгаас Цагаан хад хүртэлх тээврийг 3-4 дахин нэмэгдүүлсэн. Дунджаар 500 тээврийн хэрэгслийг нэмэгдүүлсэн нь уртын тээвэрт ажлын байр бий болгож, орлого нэмэгдүүлэн ажиллаж байна. Ил тод байдлыг хангах үүднээс нүүрс борлуулалтын 142 гэрээг нээлттэй болгосон нь ЭТТ ХК-ийн вэбсайтад нээлттэй бий.
Уул уурхайн биржид ЭТТ голлож ажиллаж цахим арилжааны журмаар ил тод нээлттэй ажиллаж байна. Бидний бүх үйл ажиллагаа ил тод нээлттэй, камержуулсан байдаг. Ирэх оноос төмөр зам, авто тээврээр гээд "ЭТТ" ХК өөрсдөө нүүрсээ хил рүү тээвэрлэхээр төлөвлөж байна. Ингэснээр сонгон шалгаруулалт, гэрээ хийгээд бүгд нээлттэй болно. 2018 онд нүүрс дутсан, зөрүүний асуудлыг хууль хяналтын байгууллагад шилжүүлж, шалгаж байгаа хэрэг мөн Цагаан хадны овоолсон нүүрс тээвэрлэлтийн гэсэн хоёр асуудал бий.
Уурхайгаас ачигдсан нүүрс Цагаан хаданд буулгаж, түүнийг нь дахин тээвэрлэж хилээр гаргаж байгаа юм. Тиймээс энд мөн камержуулалт, хяналтыг сайжруулах шаардлагатай байна. Өдгөө нүүрсийг зөвхөн худалдан авагч тал хийдэг. Аман нөхцлөөр худалдан авагч тал хариуцаж байгаа юм.
Тэгэхээр хэний, аль компанийн, ямар автомашин тээвэрлэж байгааг бид огт мэдэхгүй. Ирэх оноос төмөр зам, авто тээврээр гээд "ЭТТ" ХК өөрсдөө нүүрсээ хил рүү тээвэрлэхээр төлөвлөж байна. Үүнийг зөвхөн монгол тээвэрчид хийх ба үүнд маш нарийн зохион байгуулалттайгаар ажиллах шаардлага байна. Одоо тээвэрлэлтэд маш их хүндрэл үүссэн. Учир нь өмнө нь 200 автомашин тээвэр явж байсан бол одоо 700-800 машинаар тээвэрлэхэд нарийн зохион байгуулалт хэрэгтэй болсон. Хэвлэл мэдээллээр гараад байгаа 40 их наяд гэдэг мэдээлэл байхгүй" гэсэн юм.
0
0
0
0
0
0
0
0
