ОXУ-ын зүгээс Украин руу тив алгасаx Баллистик пуужин xарважээ
ОХУ-ын төрийн эрчим хүчний аварга компани Газпром-оос мягмар гарагт мэдэгдэл хийн, толгой компани нь рублийн төлбөрөө хийж чадаагүй тул Shell-д нийлүүлдэг байгалийн хийн экспортоо лхагва гарагаас эхлэн зогсооно гэв.
"Shell Energy Europe Limited компани Газпром Экспорт компанид Германд хий нийлүүлэх гэрээний дагуу төлбөрөө рублиэр хийх бодолгүй байгаагаа мэдэгдсэн" гэж Газпром өөрийн Telegram хуудсаараа дамжуулан мэдэгджээ.
ХБНГУ-ын Эдийн засгийн яамнаас мэдээлснээр, Shell жилдээ 1.2 тэрбум шоо метр байгалийн хийн нийлүүлэлтээ алдах тооцоо гарчээ.
Гэвч "Газпром"-ын энэ алхам нь Москвагийн байгалийн хийнээс ихээхэн хамааралтай Германы аж үйлдвэрийг ганхуулахад хангалттай хориг болох аж. Тус улс дайн эхлэхээс өмнө Оросын хийн импортын 55 хувийг 35 хувь болгон бууруулж чадсан юм. Германы засгийн газрын Ассперсон CNN Business-т хэлэхдээ "нөхцөл байдлыг маш анхааралтай ажиглаж байна. Нийлүүлэлтийн аюулгүй байдал баталгаатай" гэдгээс өөр тайлбар хийгээгүй байна.
Гуравдугаар сард ОХУ-ын Ерөнхийлөгч Владимир Путин гэрээнд заасан евро, доллараар бус рублиэр төлөхөөс татгалзсан “найрсаг бус” орнуудад хийн нийлүүлэлтийг зогсооно гэж сүрдүүлж байсан билээ.
Тэр цагаас хойш Газпром худалдан авагчид ОХУ-ын Газпромбанк дахь дансанд евро эсвэл долларын төлбөр хийх боломжтой бөгөөд дараа нь мөнгөө рубль болгон хөрвүүлж, Орос руу төлбөр хийх хоёр дахь данс руу шилжүүлэх боломж олгосон.
Гэвч Shell Energy зэрэг Европын олон компани энэ шаардлагыг биелүүлэхээс татгалзсан юм.
Shell-ийн хэвлэлийн төлөөлөгч мягмар гарагт CNN Business-т "Газпромоос тогтоосон төлбөрийн шинэ нөхцөлийг Shell хүлээн зөвшөөрөөгүй" гэж мэдэгдээд "Бид олон төрлийн хийн хангамжийн багцаараа дамжуулан Европ дахь үйлчлүүлэгчдээ үргэлжлүүлэн хангахын төлөө ажиллах болно" гэжээ.
Нидерландын GasTerra компани мөн л даваа гарагт хийсэн мэдэгдэлдээ Газпромын "нэг талын төлбөрийн шаардлагыг" биелүүлэхгүй гэж мэдэгджээ.
Германы Shell-д хийсэн экспорт Оросын нийт экспортын 1% -иас бага хувийг эзэлдэг тул Газпромын хувьд "орлогын томоохон алдагдал" биш гэнэ.
Эх сурвалж: CNN Business
0
0
0
0
0
0
0
0
