Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Цаг агаар:
Өнгөрсөн хоногт: Нийт нутгаар цаг агаар тогтуун байлаа. Шөнөдөө Увс нуурын хотгор, Завхан голын эх, Идэр, Тэс, Байдраг голын хөндийгөөр -36…-41 градус, Хангай, Хөвсгөл, Хэнтийн уулархаг нутаг, Ерөө, Туул, Тэрэлж, Хэрлэн, Халх голын хөндийгөөр -30…-35 градус, Монгол-Алтайн уулархаг нутаг, Эг, Үүр, Орхон, Сэлэнгэ, Хараа, Онон, Улз голын хөндий, Дорнод-Дарьгангын тал нутгаар -25…-30 градус, говийн бүс нутгийн өмнөд хэсгээр -13…-18 градус, бусад нутгаар -19…-24 градус хүйтэн хоносон.
Өнөөдөр: Төв болон зүүн аймгуудын нутгаар солигдмол үүлтэй, бусад нутгаар багавтар үүлтэй. Шөнөдөө Халх голын хөндийгөөр, өдөртөө Хөвсгөлийн уулсаар ялимгүй цас орно. Бусад нутгаар цас орохгүй. Салхи ихэнх нутгаар баруун хойноос секундэд 5-10 метр, говь, тал, хээрийн нутгаар секундэд 12-14 метр хүрч ширүүснэ. Агаарын температур өдөртөө хүйтний эрч бага зэрэг суларч Увс нуурын хотгор, Завхан голын эх, Тэс голын хөндийгөөр -19…-24 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Ерөө, Халх голын хөндий, Дорнод-Дарьгангын тал нутгаар -13…-18 градус хүйтэн, Их нууруудын хотгор, Хангайн нурууны өвөр бэл, говийн бүс нутгийн өмнөд хэсгээр -2…+3 градус дулаан, говийн бүс нутгийн хойд хэсгээр -3…-8 градус, бусад нутгаар -9…-14 градус хүйтэн байна.
Улаанбаатар хотод: Багавтар үүлтэй. Цас орохгүй. Салхи баруун хойноос секундэд 4-9 метр. Шөнөдөө Яармаг-Сонгины орчмоор -30…-32 градус, бусад хэсгээр -22…-24 градус, өдөртөө -9…-11 градус хүйтэн байна.
Гал түймэр: Объектын түймэр:
– Өмнөговь аймаг, Цогтцэций сум. Билгэх 2 дугаар багийн “Зүүн суу” 3 дугаар гудамжинд нам даралтын зуух шатаж байна гэсэн дуудлагыг 02.29-ний өдрийн 15:40 цагт хүлээн авсан. Тус аймгийн Онцгой байдлын газрын Цогтцэций сум дахь Гал түймэр унтраах, аврах 44 дүгээр ангийн алба хаагчид нэг км замыг туулан 15:42 цагт очиход иргэн Б-ын зочид буудлын 3х4 метрийн хэмжээтэй галлагааны өрөөний нам даралтын зуух шатаж байсныг 20 минут ажиллаж унтраасан.
– Увс аймаг, Улаангом сум. 6 дугаар багийн Найрамдлын хорооны нэгдүгээр гудамжинд байшин шатаж байна гэсэн дуудлагыг 02.29-ний өдрийн 17:15 цагт хүлээн авсан. Тус аймгийн Онцгой байдлын газрын Гал түймэр унтраах, аврах 41 дүгээр ангийн алба хаагчид 2.5 км замыг туулан 17:18 цагт очиход иргэн Ш-ийн 9х10 метрийн хэмжээтэй 2 давхар тоосгон байшингийн зочны өрөөнд буйдан шатаж байсныг 20 минут ажиллаж унтраасан.
– Орхон аймаг, Баян-Өндөр сум. Эрдэнэ багийн 46 дугаар гудамжны 17 тоот байшин шатаж байна гэсэн дуудлагыг 02.29-ний өдрийн 18:18 цагт хүлээн авсан. Тус аймгийн Онцгой байдлын газрын Гал түймэр унтраах, аврах 68 дугаар ангийн алба хаагчид 8 км замыг туулан 19:04 цагт очиход иргэн Ц-ын 8х6 метрийн хэмжээтэй байшингийн дээврийн хэсэг, эд хогшлын хамт шатаж байсныг 50 минут ажиллаж унтраасан.
– Улаанбаатар хот, Хан-Уул дүүрэг. 12 дугаар хорооны Амралтын байр 5 дугаар хэсгийн 1 дүгээр гудамжинд байшин шатаж байна гэсэн дуудлагыг 02.29-ний өдрийн 18:22 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 30 дугаар ангийн алба хаагчид 10 км замыг туулан 18:36 цагт очиход иргэн Б-ын 4х6 метрийн хэмжээтэй байшингийн дээврийн хэсэг шатаж байсныг 30 минут ажиллаж унтраасан.
– Хөвсгөл аймаг, Цагаан-Уул сум. Цэлгэр багийн задгайд нүүрс ачсан ачааны автомашин шатаж байна гэсэн дуудлагыг 02.29-ний өдрийн 19:20 цагт хүлээн авсан. Тус аймгийн Онцгой байдлын газрын Цагаан-Уул сум дахь Гал түймэр унтраах, аврах 73 дугаар ангийн алба хаагчид 3 км замыг туулан 19:24 цагт очиход иргэн Ц-ийн “Howo-ZZ3317N4667N” загварын 35 тонн нүүрс ачсан ачааны автомашины бүхээг хэсэг шатаж байсныг 6 минут ажиллаж унтраасан.
– Хөвсгөл аймаг, Мөрөн сум. Эрхэл багийн 17 дугаар гудамжинд байшин шатаж байна гэсэн дуудлагыг 02.29-ний өдрийн 21:04 цагт хүлээн авсан.Тус аймгийн Онцгой байдлын газрын Гал түймэр унтраах, аврах 27 дугаар ангийн алба хаагчид 1.5 км замыг туулан 21:07 цагт очиход иргэн Ц-ийн 8х12 метрийн хэмжээтэй 2 давхар дүнзэн байшингийн дээврийн хэсэг шатаж байсныг 9 минут ажиллаж унтраасан.
– Улаанбаатар хот, Баянгол дүүрэг. 20 дугаар хорооны 4 дүгээр байрны хогийн цэгт хог шатаж байна гэсэн дуудлагыг 02.29-ний өдрийн 22:08 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 18 дугаар ангийн алба хаагчид нэг км замыг туулан 22:12 цагт очиход тус байрны 20 тонн контейнер дотор хог шатаж байсныг 50 минут ажиллаж унтраасан.
– Улаанбаатар хот, Сонгинохайрхан дүүрэг. 39 дугаар хорооны Хангайн 63 дугаар гудамжинд байшин шатаж байна гэсэн дуудлагыг 03.01-ний өдрийн 05:35 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид 6.5 км замыг туулан 05:49 цагт очиход иргэн Х-ын 13х6 метрийн хэмжээтэй байшингийн 2х3 метрийн хэмжээтэй үүдний хэсэг, ус хадгалах сав шатаж байсныг 20 минут ажиллаж унтраасан.
Эx Сурвалж: ОНЦГОЙ БАЙДЛЫН ЕРӨНХИЙ ГАЗАР
0
0
0
0
0
0
0
0
