Манай улс НҮБ-ын Хүний эрхийн зөвлөлд дөрөв дэх тайлангаа хүргүүлнэ
“Miss World” тэмцээн 71 дэх жилдээ Энэтхэг улсын Нью Дели хотноо 2024 оны хоёрдугаар сарын 20-ны өдөр албан ёсоор эхлэх гэж байна. Дэлхийн 130 гаруй орны гоо бүсгүй оролцдог энэхүү тэмцээнд "Монголын сайхан бүсгүй" тэмцээний Алтан эрдэнийн титэмт, "Miss world Mongolia 2023" тэмцээний Үндэсний ялагч Бат-Эрдэнийн Болор эх орноо төлөөлөн оролцоно.
Үндэсний урлагийн их театрын гоцлол бүжигчин Б.Болор 2018 онд Хөгжим бүжгийн коллеж буюу Монгол Улсын Консерваторыг “Бүжгийн жүжигчин” мэргэжлээр, 2023 онд СУИС-ийг “Бүжиг дэглээч, найруулагч” мэргэжлээр тус тус төгссөн. 2018 оноос хойш Үндэсний урлагийн их театрт бүжигчнээр ажиллаж байна.
Үндэсний ялагч Б.Болор нь 21 аймгийн 100 гаруй сумын өсвөр насны охид, хөвгүүдэд чиглэсэн “Нандин” төслийг хэрэгжүүлж эхлээд хоёр жил болжээ. Энэхүү төслийн гол зорилго нь “Охид, эмэгтэйчүүдийн хувьд ариун цэврийн хэрэглэл ичих зүйл биш шүү” гэдгийг уриалах юм.
“Дэлхийн мисс” тэмцээнд эх орноо төлөөлөн оролцох оролцогчийн мэдээллийг www.facebook.com/profile фэйсбүүк хуудаснаас авч, дэмжихийг уриаллаа.
0
0
0
0
0
0
0
0
