Голомт банк 2024 оны “Онцлох ТоС Банк”-аар шалгарлаа
Цөмөөхэй дууг хэрхэн бүтсэн талаар реппер Thunder буюу Өлзий-Учрал ярьсан юм. Дэлгэрэнгүйг энд дарж үзнэ үү.
Цөмөөхэй дуу хэрхэн бүтсэн талаар та ярихгүй юу?
Цөмөөхэй дууг өнгөрсөн жил бүтээсэн. Өнгөрсөн шинэ жилийн үеэр анимэйшн нь бараг дуусаж байсан. Гэхдээ цаг үеэсээ хоцорчихсон учраас жил хүлээж байгаад саяхан цацсан.
Дуу нь яаж бүтсэн бэ гэвэл, дуу зохиох гээд студид янз бүрийн ая тавьж аялж байсан чинь хоёр, гурван мөртэй ороод ирсэн. Энэ дуу нь шинэ жилийн үеийнх ч юм шиг хөгжим болон уур амьсгал нь тэгж таарсан. Анимэйшны зохиолыг өөрөө бодож олоод нэрийг нь Цөмөөхэй гэж өгсөн.
Цөмөөхэй бүжгийн жүжиг байдаг. Бүжгийн жүжигтэй энэ дуу холбоотой юу?
Цөмөөхэй бүжигтэй ямар ч хамаагүй. Гэхдээ цөмөөхэйнөөс хойш цөмөөхэйний үнэ өссөн байна лээ.
Ер нь бол энэ дуу миний амьдралтай холбогдоно. Цөмөөхэй гэж нэрлэж байгаа болов ч өөрийгөө зүйрлэж хийсэн. Дуу нь дээрээ 12 цагийг зааж байгаа боловч үнэндээ яарч байгаа л хэсэг байхгүй юу. Зохиолын утга санааг нь ярих хэрэг байна уу. Хүмүүс ер нь бол мэдэж байгаа.
Хүүхэд насны шинэ жилийн талаар яриач?
Хүн болгоны хувьд хүүхэд ахуйн шинэ жил хамгийн гоё байдаг. Хүүхэд насны шинэ жилийг гүйцнэ гэж бараг байхгүй. Тухайн үед цахилгаан тасарсан ч юм уу ямар нэгэн асуудалтай байсан ч гэсэн гадаа салют буудаад л догдлол дүүрэн.
Намайг бага байхад гацуур ийм байгаагүй. Залгаад угсардаг төмөр гацуур байсан. Саагаараа мөчир шиг ороодог, гацуур нь гэрэлгүй байсан. Хүүхэд насны шинэ жил гоё.
Нэг л мэдэхэд он гарчихсан байдаг. Шинэ жилийн утга учир нь хүлээх шүү дээ. Тэрийг мэдэр ч чадахгүй явж байгаад л дуусчихдаг. Баярласан хүмүүс дээр их очно. Хүмүүс дандаа хөөрсөн, орилсон, хөгжим чанга тийм газраар их явахаар сүүлдээ хүсэхээ больчихдог. Тайван байдлыг л хүсдэг дээ.
Үзэгч түмэндээ шинэ жилийн мэндчилгээ дэвшүүлье ?
Өрөг.мн сайт болон энэ бичлэгийг үзэж байгаа бүх хүмүүстээ 2024 онд амжилт хүсье. Шинэ жилээ гоё бас болгоомжтой тэмдэглээрэй. Сүү уугаарай. Ямар ч байсан бүгдэд нь шинэ жилийн баярын мэнд хүргэе. Тэгээд хүүхэд хэвээрээ байгаарай гэж хэлье
0
0
0
0
0
0
0
0
