Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Хөгжлийн Банкны "Самурай" бондын өрийг хугацаанд нь төлж барагдуулахтай холбоотой өрийн дэвтэрт гарын үсэг зурлаа. Энэ үеэр Ерөнхий сайд Л.Оюун-Эрдэнэ хөрөнгө оруулагчдад хандан мэдэгдэл хийлээ.
Тэрбээр мэдэгдэлдээ "Эрхэм Монголчуудаа, хүндэт хөрөнгө оруулагчдаа, Олон улсын хамтын ажиллагааны эрхэм түншүүдээ, Монгол Улс өнөөдөр Самурай бондын 30 тэрбум төгрөгийн өр буюу 200 сая ам.долларын өрийг өөрийн эх үүсвэрээр бүрэн төлж, шинэ оны босгон дээр гадаад өрийн дарамтаас бүрэн гарч чадсанаа зарлаж байна.
Өнгөрсөн аравдугаар сарын 23-ны өдөр Хөгжлийн Банкны евро бондын 500 сая ам.долларын өрийг мөн өөрийн эх үүсвэрээр бүрэн төлж барагдуулсан. Энэ бол монгол улс олон улсын өмнө, хөрөнгө оруулагчдын өмнө хүлээсэн үүргээ нэр төртэй биелүүлж чадаж байгаагийн чухал нотолгоо юм.
Хөгжлийн Банкны засаглал мэргэжлийн ур чадварыг олон улсын түвшинд хүргэхийн тулд Засгийн газрын энэ долоо хоногийн хуралдаанаар Хөгжлийн Банкыг сонгодог ЭКСИМ банк болгох эрх зүйн орчныг хэлэлцэж, УИХ-д өргөн барихаар төлөвлөсөн.
Өргүй бол баян, өвчингүй бол жаргал гэж Монголчууд бид ярьдаг. Манай Засгийн газрын хувьд цар тахлын үе, мөн дайны цаг үед авлигатай тэмцэж, гадаад бондуудын өрийг хугацаанд нь төлж, эх орноо дампуурлаас хамгаалах нь энэ цаг хугацааны түүхэн үүрэг байлаа.
Гадаад өрийн дампуурлаа хүлээн зөвшөөрч ОУВС-гийн хөтөлбөрт орох уу, эсвэл эрс шийдэмгий хатуу арга хэмжээ авч өөрсдийн эх үүсвэрээ дайчлах уу гэдэг хоёр сонголт байсан. Хөгжлийн Банк болон "Эрдэнэс Тавантолгой" ХХК-д авч хэрэгжүүлсэн авлигалын эсрэг багц арга хэмжээний үр дүнд Монголчууд та бид 12 жил үргэлжилсэн өрийн гинжин хэлхээнээс өнөөдөр гарч чадлаа. Бидний үр хүүхэд нэг л өдөр төлнө гэдэг итгэл үнэмшлээр тооцоо судалгаагүй хандаж, улсынхаа нэрээр зээл авч, бүлэглэлийн зарчмаар хувааж, өөрсдөдөө зориулж өршөөлийн хууль баталсан хариуцлагагүй үйлдэл Монгол улсад дахин давтагдах ёсгүй.
Өнөөдрөөс эхлэн эдийн засгийн өсөлт өрх, иргэн бүрд хүрэх эдийн засгийн суурь нөхцөл бүрдэж буйг дуулгахад таатай байна” гэв.
0
0
0
0
0
0
0
0
