Ч.Хантүмэн: Данс хаачихлаа, дарга нарыг мууллаа гээд ингэв үү
Хан-Уул дүүргийн Яармаг орчимд хот тохижилт, үйлчилгээний газрынхан яг одоо ид дундаа ажиллаж байна.
Хот тохижилт, үйлчилгээний газрынхан өнөө өглөө гэхэд 5 цагт ажилдаа гарсан байна. Бид өнөөдөр өглөө /2023.12.14. 08:00 цаг/ Хот Тохижилтын газар ОНӨААТҮГ-ын ажилтан Д.Мандахтай цөөн хором ярилцлаа.
Цэвэрлэсэн талбайгаа эргээд харахаар маш гоё урамтай байдаг
-Танд өглөөний мэнд хүргэе. Цаг агаар өмнөх өдрүүдийнхээс нэлээн жавартай, хүйтэн байна.
-Их жавартай, хүйтэн байна. Хүйтний эрч чангарч байна.
-Ер нь өглөө хэдий хэр зайтай, хэмжээтэй талбай цэвэрлэдэг вэ?
-Би нэгээс хоёр буудал буюу нэг автобусны буудлаас хойр буудал хоорондох зайтай талбай цэвэрлэнэ.
Өдөрт хоёр автобусны буудлын зайтай талбайг цэвэрлэдэг
-Таны хувьд хот тохижилт, үйлчилгээний газар хэдэн жил ажиллаж байна вэ?
-Нийтдээ 9 жил ажиллаж байна. Бидний ажил сайхаан. Би ажлаараа үргэлж бахархаж явдаг. Хүмүүс цэвэрхэн замаар алхахыг харах маш сайхан байдаг.
Өглөөд бригадаар хуваарилсан багаараа ажилдаа эртлэн 05:00 цагт гардаг
-Бригад бригадаар болгоод хуваасан байдаг уу. Хүмүүсээ хэрхэн хуваарилсан байдаг вэ. Нэг бригадад хэдэн хүн хуваарилдаг вэ?
-Нэг бригадад 14 хүн ажилладаг. Нэг хүн нэг буудлаас хоёр буудлын зайтай талбай цэвэрлэдэг. Урд талдаа нэг хүн, хойд талдаа хоёр хүн гэсэн хуваариар ажлаа хийж гүйцэтгэдэг. Хойд талдаа заримдаа нэг хүн, урдаа нэг хүн явдаг. Англи сургуулиас Хүннү моол дэлгүүр хүртэлх хоорондох зай талбайд буюу хоёр автобусны хоорондох зайд ажиллана. Өглөө ирээд автобусны уудлыг хамгийн түрүүнд авна. Тэгээд хоёр автобусны буудлаа авчихаад явган хүний замыг хүн явахаас өмнө цэвэрлэнэ. Хүмүүс явахаас өмнө цастай байвал халтиргаа гулгаа үүсэхээс өмнө цасаа цэвэрлэсэн байх ёстой байдаг. Иргэд нэг үеэ бодвол зарим нь хогоо хогийн саанд хаядаг, заримдаа ил задгай хаячихсан байдаг юм.
Бид нар цас орсон үед бол орой 20:00 цаг хүртэл сунаж ажиллана. Цас ороогүй үед бол 16:00 цагтаа бууна. Өнөөдөр орой цас орвол орой 20:00 цаг хүртэл ажиллана, илүү цагаар сунгаж ажилладаг. Гэхдээ хийсэн ажлаа харахад бол гоё байдаг. Ингээд замаа цэвэрлэчихээд эргээд харахаар маш гоё урамтай байдаг. Өөрийнхөө хийсэн ажлаа эргээд харахаар маш их урамтай байдаг юм.
Бүх л хүмүүст ажилд нь амжилт, сайн сайхныг хүсэн ерөөе. Тун удахгүй шинэ он гарах гэж байна. Та бүхэн шинэ оноо сайхан угтаарай гэж хэлмээр байна.
-Ярилцсанд баярлалаа. Танд амжилт хүсье.
0
0
0
0
0
0
0
0
