“Робот, дрон кодчилол”-ын үндэсний аваргууд тодорлоо
"Pubg Mobile" 2023 оны дэлхийн аварга шалгаруулах тэмцээнд Монголын баг тамирчид 1, 2, 4-р байруудад шалгарсан өндөр амжилтыг үзүүлсэн. Өнөөдөр өглөө /2023.12.13/ баг тамирчид эх орондоо ирлээ. Бидний зүгээс дэлхийн аваргын алт болон мөнгөн медаль хүртсэн баг тамирчдаас амжиж ярилцлага авлаа.
"Pubg Mobile" энэ жилийн дэлхийн аварга шалгаруулах тэмцээн маш өрсөлдөөнтэй болсон
"Pubg Mobile" 2023 оны дэлхийн аварга шалгаруулах тэмцээний "Шилдэг тамирчин", "IHC Esports" багийн тамирчин Б.Золбоот
Тоглолтынхоо арга барилыг тэмцээн эхлээд нэг хэсэгтээ олоогүй. Тэгээд темпэндээ ороод, тоглолтынхоо арга барилыг олоод эргээд амжилттай тоглоод "Аварга" болсон.
Зорьсон зорилгодоо хүрсэндээ баяртай байна. Багаараа бүгд сайн ярилцаад, ойлголцоод, багийн ярилцах, багийн ажиллагаа хамгийн их чухал. Нэг тоглогч гэхгүй бүгд л яг сайн тоглох, багаараа л ер нь хичээсэн. Энэ жилийн дэлхийн аварга өрсөлдөөнтэй байсан. Өмнөх 2020, 2021 онд гэхэд нэгт яваа баг нь оноо тасраад аварга авсан тохиолдол байдаг. Энэ жилийн дэлхийн аварга маш өрсөлдөөнтэй болсон.
Монгол багууд бүгд сайн тоглосон. Тэгээд PUBG Mobile төрөлд Монгол улс хэр хүчтэй бүс вэ гэдгээ харуулсан.
"IHC Esports" баг Дэлхийн аварга шалгаруулах тэмцээнд 2020 онд оролцож анхны цомыг эх орондоо авчирснаар Еспортод маш том хувь нэмэр оруулсан
"IHC Esports" багийн тамирчин Б.Билгүүн
Өрсөлдөөн мэдээж маш ширүүн байсан. Монгол улсын бүх багууд амжилттай оролцоод бүгдээрээ бас сайн байр эзлээд хүрээд ирлээ. Тэгээд бид хэдийгээ өдий хүртэл дэмжсэн фэнүүддээ маш их баярлалаа. Та бүхний ч гэсэн ач гавъяа байгаа гэж хэлье. Намайг Баатархүүгийн Билгүүн гэдэг. "IHC Esports" багт тоглодог. Одоо Pubg тоглоод 5 дахь жилдээ орж байна. Маш удаан тоглож байна.
Удаан үндсэн багт нэг болж тоглож явж байгаа нь гэвэл манай багийн Zyol, Abely бид гурав одоо 4 дэх жилдээ нэг баг болоод явж байна. Тэгээд Алекс, Дима хоёртой 3 дахь жилдээ нэг баг болоод явж байна. Анх 2020 онд бид хэд бас дэлхийн аваргад оролцоод анхны цомыг авчраад гуравдугаар байр эзлээд бас Еспортод маш том хувь нэмэр оруулсан гэж боддог. Тэр тэмцээнээс хойш аав ээж хоёр хамаагүй илүү дэмжиж, эерэгээр хүлээж авдаг болсон.
Энэ удаад Монголчууд л хоорондоо ширүүн өрсөлдөөнийг өрнүүлэв
"IHC Esports" багийн тамирчин Б.Батбагана
Дэмжсэн бүх хүмүүстээ баярлалаа. Сэтгэл бол маш өндөр байна. Тэгээд өөр ч нэг их хэлэх үг олдохгүй л байгаад байна. Энэ удаа бараг манай Монголчууд л ер нь хоорондоо өрсөлдөөд таарлаа гэж харж байна даа. Манай Монголчууд маш их өрсөлдөөнтэй байлаа.
"2024 онд Дэлхийн аварга цолоо хамгаалахыг л хамгийн ихээр зорино"
"IHC Esports" багийн дасгалжуулагч Н.Дулаанжаргал
Манайх энэ дэлхийн аваргын тэмцээний бүх шат үеийг бол давж туулж гарч ирээд Дэлхийн аваргын "Цом"-ыг өргөж чадлаа, хүртэж чадлаа. Тэгээд бид хэд бол 2020 оноос хойш зөвхөн үүнийг л зорьж, хичээллэж, өдөр бүр бэлтгэлээ хийж, үүний л төлөө бол зорилготой эхэлж байсан.
Зорилгодоо хүрлээ, мөрөөдлөө биелүүлж чадлаа. Тамирчдаараа их бахархаж байна. 2020 онд бол би өөрөө тоглогч байсан. 2020 онд тоглогч байхдаа дэлхийн аваргын хүрэл медалийг, хүрэл цомыг бол эх орондоо авчирч байсан. Тэгээд үүнээс хойш боломж байгаа юм байна. Аваргын төлөө бүхнээ шавхаж зориулах болно гэж шийдээд, тоглогч нараа бүрдүүлж, өөрөө тоглогчоосоо хойшоо сууж, багаа дасгалжуулж эхэлж ажиллаж байсан.
Тэгээд дасгалжуулагчийн үүргээр хоёр дахь жилдээ өөрийнхөө чадаагүйг баг тамирчидтайгаа ингээд биелүүлж, хүртэж авч чадсандаа үнэхээр их баяртай байна. "Аваргаа хамгаалахыг л хамгийн их зорино доо 2024 онд".
"Stalwart Esports" багийн тамирчин Б.Нүрзэд
Дэлхийн аваргад оролцоод хоёрдугаар байр эзэллээ. Тэмцээн маш их өрсөлдөөнтэй боллоо. Миний хувьд "Stalwart" багтайгаа нэгдээд удаагүй байна.
"Stalwart Esports" багийн тамирчин Г.Сүхбат
Хоёрдугаар байранд орсон, харамсалтай байна. Манайх ер нь бол маш их алдаа гаргасан энэ тэмцээн дээр. 100-гаас 60 хувь дээр нь алдаа гаргасан гэж хэлж болно. Тэгээд алдаа гаргаагүй байсан бол амархан дэлхийн аварга болох байлаа. 3-4 жил болж байна. Саяхан бол манай Нүрзэд, Айси хоёр гээд шинээр хоёр тоглогч орсон. Тийм л байна даа.
0
0
0
0
0
0
0
0
