Д.Сүхбаатарын талбайн зүүн, баруун талын авто замын хөдөлгөөнийг түр хаана
Цаг үеийн зарим асуудлаар Хуульч, Өмгөөлөгч Б.Баасанжаргалтай ярилцлаа. Түүний ярилцлагыг уншигч танд бичвэр болгон хүргэе.
Сэтгүүлч Н.Өнөрцэцэгийг 30 хоног цагдан хорьж байгаа. Энэхүү асуудалд хуульч хүний зүгээс ямар байр суурьтай байна вэ?
Олон нийтийн мэдээллийн хэрэгслээр Н.Өнөрцэцэгийг шүүхээс дуудах үед очоогүй нь улмаас цагдан хорих таслан сэргийлэх арга хэмжээ авсан гэх мэдээлэл гараад байна. Энэ талаар албаны хүмүүсээс би сонсоогүй. Хэрэв олон нийтийн мэдээллийн хэрэгслээр гарч байгаа шиг шүүхээс дуудсан тохиолдолд очоогүйн улмаас цагдан сэргийлэх арга хэмжээ авсан гэвэл энэ нь буруу. Таслан сэргийлэх арга хэмжээ авах үндэслэл болохгүй. Энэ бол хууль бус.
Ихэвчлэн манай орон бол таслан сэргийлэх арга хэмжээ авч байж араас нь нотлох баримт цуглуулах маягаар ажилладаг. Магадгүй Н.Өнөрцэцэгт таслан сэргийлэх арга хэмжээ авсан байж болно. Гэхдээ нөгөө талдаа таслан сэргийлэх арга хэмжээ авахтай зэрэгцэн Зариг сайтыг хаасан асуудал бий. Энэ бол маш бүдүүлэг хэвлэлийн эрх чөлөө болоод хүний мэдэх эрхэнд ноцтойгоор халдсан зөрчил гэж хэлнэ. Яагаад тодотгож хэлээд байна гэхээр, хувь хүнтэй холбогдуулаад Эрүүгийн хэргийн хянан шийдвэрлэх тухай хуульд заасан таслан сэргийлэх арга хэмжээ авч болно. Гэхдээ үүнээс гадна аж ахуйн нэгж байгууллагатай нь холбогдуулж хаах үзэгдэл байж болохгүй.
0
0
0
0
0
0
0
0
