Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Налайх дүүргийн Эрүүл мэндийн төвийн мэс заслын тасгийн хамт олон ХСҮТ-ийн Г.Үнэнбат ахлагчтай баг бүрэлдэхүүнтэй хамтран “Элэгний баруун дэлбэнгээс хавдартай хэсгийг тайрах мэс засал”-ыг анх удаа дүүрэгтээ амжилттай хийлээ.
Эмчлүүлэгчийн бие байдал сайн байгаа ба цаашид гам, дэглэмийг үргэлжлүүлэн барих шаардлагатай юм. Энэхүү мэс заслыг дүүрэгтээ хийж эхэлснээр лавлагаа шатлалын эмнэлгүүдийн ачааллыг бууруулж, иргэд цаг алдалгүй, хүндрэл чирэгдэл, хүлээгдэлгүйгээр эмнэлгийн тусламж үйлчилгээг дүүрэгтээ авч чадаж буйгаараа давуу талтай юм.
Энэхүү томоохон хагалгааг дүүрэгтээ хийж эхлэх зорилгын хүрээнд ЭМТ-ийн удирдлагын зүгээс элэг, цөсний хавдрын мэс заслын эмч, сувилагчийг багаар нь бэлтгэж, шаардлагатай багаж хэрэгслийг урьдчилан бэлтгэж, нөөц, чадавхаа бэхжүүлээд байсан юм.
Тус дүүргийн хэмжээнд 346 хүн хавдрын хяналтад байгаагаас хамгийн их нь буюу 23,5 хувийг элэгний хорт хавдар эзэлж байгаа бөгөөд цаашид энэхүү хагалгааг бие даан хийхэд бэлэн болжээ.
0
0
0
0
0
0
0
0
