Монгол Улсын арслан М.Мөнгөн агсаны нэрэмжит xүчит бөxийн барилдаан болно
ФС "Улаанбаатар" клуб Азийн ХБХ-ны Цомын тэмцээний хэсгийн шатны эхний 3 тоглолтдоо 2 хожил байгуулсан нь Ази тивд Монголын хөл бөмбөгийн клубуудын чансааг 4 байраар буюу бусад улсаас хамгийн ихээр өсгөсөн түүхэн ялалт болж байна. Азийн Хөл Бөмбөгийн холбооноос тодорхойлдог гишүүн улсуудын клубын түвшний чансаагаар Монгол улс 0.1 оноотой 40 дүгээр байранд эрэмбэлэгддэг байсан бол "Улаанбаатар" клубын залуусын байгуулсан хожлуудын дараа Монгол улс 2.22 оноотой болж, 36 дугаар байранд дэвшиж байна.
Өнөөдөр хэдийгээр гадаа -14 хэмийн хүйтэн жавартай байсан хэдий ч "Улаанбаатар" клубын залуус тун чадварлаг, чамбай тоглож, өрсөлдөгч Макаогийн багийг 1:0-ээр буулган авлаа.
Хожлын гоолыг Серб тоглогч Неманья Крушевац оруулсан юм. Түүнд гоолын дамжуулалтыг нь шигшээ багийн тоглогч А.Дөлгөөн мэдэрж өгсөн нь ийн багтаа хожлыг авчирлаа.
2023/2024 оны АХБХ-ны "AFC CUP" тэмцээний хэсгийн дөрөв дэх тоглолтоо ийн ФС "Улаанбаатар" багийнхан МХБХ-ны талбайд Макаогийн Чао Пак Кей клубтэй хийж чухал үр дүнг үзүүлж байна. Монголын хөлбөмбөгт маш хэрэгтэй коефициентийг цуглуулж яваа ФС "Улаанбаатар" клуб хэсгийн 3 дахь хожлоо авч, 9 оноо аваад байгаа ажээ.
Харин одоо Тайваньд очиж, шийдвэрлэх сүүлийн хоёр тоглолтоо хэрхэн яаж хийснээс хамааран дараагийн шатанд үлдэх эсэх нь тодорхой болох юм байна.
0
0
0
0
0
0
0
0
