Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Монголчууд 40 их наядын нүүрсний хулгайг илрүүл” хэмээн төв талбайд жагссанаас хойш бараг нэг жилийн хугацаа өнгөрөх гэж байна. Харин нүүрсний хулгайн асуудлыг сонсголоор нээлттэй ярина гэснээс хойш бас л таван сарынэ хугацаа боллоо. Нүүрсний хулгайн хэрэг өнөөдөр ахиц үгүй, томчуудаас Б.Ганхуяг, Т.Аюурсайхан хоёр л шүүгдэж буй.
Нүүрсний хулгайн хэрэгт АН-ынхан ч, МАН-ынхан ч зэрэг сэжмээр холбогддог тул шүүмжлэх хүн олдоггүй. Айж зугтаж, бэргэсээр өдийг хүрч байна. Үүний нэг жишээ бол түр хорооны гишүүд хуралдаа ч суухгүй, ирцээ бүрдүүлэх сонирхолгүй байгаа явдал юм.
Өнөөдөр нүүрсний хулгайн асуудлаарх түр хороо хуралдсан. Гэвч гишүүд цагтаа орж ирэхгүй, удаашрав. Түр хорооны ахлагч ХЗДХ-ийн сайд Б.Энхбаяр “Наанаа хулгай гэж ярьдаг ч цаагуураа хөдөлж өгдөггүй, хуралдаа ч суудаггүй гишүүдийг түр хорооноос хөөнө гэж мэдэгдсэн юм. Энэ дундаа АН-ын О.Цогтгэрэл, ХҮН-ын Т.Доржханд нарыг нэр цохлоо. Мөн С.Ганбаатар гишүүнийг ч шүүмжилсэн юм.
Нүүрсний хулгай гэж ярьж буй улстөрчид үнэхээр хэргийг мухарлахаар тэмцэж байна уу, эсвэл намын нөхдөө хамгаалахаар улайрч байна уу гэдэг нь ирэх өдрүүдэд тодорхой болохоор байна. Ямартай ч “Хулгайчийг барь” гэж хамгийн чангаар хашхирч буй улстөрчид нь цагаа тулахаар назгай, нэг л хөшүүн байгааг хурлын ирц харуулав.
0
0
0
0
0
0
0
0
