Монгол Улсын арслан М.Мөнгөн агсаны нэрэмжит xүчит бөxийн барилдаан болно
Хойд Америкийн сагсан бөмбөгийн лигийн 78 дахь улирал өнгөрсөн долоо хоногт эхэлсэн билээ. Багууд одоогоор 3-4 тоглолт хийгээд байна. Тэгвэл дорнод бүсээс Бостон Сэлтикс, өрнөд бүсээс Дэнвер Наггетс, Даллас Маверикс багууд хожигдолгүй бүсээ тэргүүлж байна. Тэгвэл улирлын эхний дөрвөн тоглолтын дараах байдлаар Лука Дончич 39 оноо дунджилсан үзүүлэлтээр оноо авалтын хүснэгтийг тэргүүлж байна.
Түүний араас:
Стефен Көрри (Голден Стэйт Уорриорс) – 33.5 оноо
Кам Томас (Брүүклин Нетс) – 33.0 оноо
Донован Митчел (Кливленд Кавлерс) – 32.0 оноо
Деарон Фокс (Сакременто Кингс) – 31.3 оноогоор удаалж байна. Тэгвэл самбараас бөмбөг авалтаар Домантис Сабонис (Сакременто Кингс) 15.0, оновчтой дамжуулалтаар Тайрис Халибуртон (Индиана Пэйсерс) 12.3, хаалтаар өнгөрсөн улирлын үнэ цэнтэй тоглогч Жөүл Эмбийд (Филадельфи 76) 3.0 гэсэн үзүүлэлтээр тус тус тэргүүлж байна.
Мөн OКСТандер багийн тоглогч Чет Холмгрен лигийн түүхэнд замналынхаа эхний дөрвөн тоглолтод 10+ хаалт, 10+ холын зайн шидэлт амжилттай гүйцэтгэсэн тоглогч боллоо. Харин Крис Пол улирлын эхний дөрвөн тоглолтын дараах байдлаар (+/-) үзүүлэлтээр Голден Стэйт Уарриорс багийнхаа бүх тоглогчдыг тэргүүлж байна. Үүнээс гадна лигийн шилдэг шидэгчдийн нэг Жэймс Харден солилцоогоор Лос Анжелес Клипперс багт нэгдсэн.
Тэгвэл энэ жилийн бүх оддын тоглолт урьдын адил өрнөд, дорнод бүсээр хуваагдаж багаа бүрдүүлэх болно. Энэ нь өнгөрсөн улирал хамгийн их санал авсан хоёр тоглогч багаа бүрдүүлдэг байсан дүрмийг халж байгаа гэсэн үг юм.
Нэмэлт мэдээллийг дуулгахад энэ жилийн бүх оддын тоглолт 2024 оны 2-р сарын 18-ны өдөр Индианаполис хотод явагдана.
0
0
0
0
0
0
0
0
