Эx газрын БНXАУ болон Тайванийн арлын төвөгтэй xарилцаа
БНСУ-ын багш нар жагсаал зохион байгуулж, сурагчдад сахилга бат сахихыг шаардсан тохиолдолд багш нар сахилгын шийтгэл амсах хуулийн заалтыг шинэчлэхийг парламентаасаа шаардав.
Тодруулбал, 120 мянга гаруй багш Үндэсний ассамблейн ойролцоо жагсаж, Хүүхэд хамгааллын тухай хуулийг шинэчлэх нь цаашид багш нарын эрхийг хамгаалах эхний чухал алхам болохыг илэрхийлсэн юм. Тус улсад ёс суртахуунгүй сурагч нар багштайгаа зүй бус харьцах хийгээд эцэг эхчүүдээс багш нарт ирэх дарамт ихэсч, улмаар энэ жил хэд хэдэн залуу багш амиа хорлосон юм. Тиймээс багш нар анги танхим дахь өөрсдийн эрхээ баталгаажуулахыг ийн хүсэж байна. Одоогоор уг хуульд багш нар “хүүхдийн сэтгэцийн эрүүл мэнд, хөгжилд сөргөөр нөлөөлөхүйц сэтгэл санааны хүчирхийлэл үйлдэхийг” хориглосон байдаг байна. Энэ заалт нь тодорхой агуулгагүй бөгөөд зарим эцэг эхчүүдийг багш нарыг буруутгах үндэслэл болж байна гэж багш нар үзэж буй. Өөрөөр хэлбэл, багш нар сурагчдадаа хатуу үг хэлж, тэдэнд ёс суртахууны шаардлага тавих нь сэтгэл санааны хүчирхийлэл биш гэж үзэж буй юм. Энэ сарын эхэнд нэгэн тайлан гарсан нь сүүлийн 10 жилд БНСУ-д амиа хорлосон багш нарын тоо 144-д хүрчээ.
Тухайлбал, бага ангийн 78 багш амиа хорлосон байна. Насны бүлгээр нь харвал, 20-30 насны багш нар 60 буюу 41.7 хувийг эзэлжээ.
0
0
0
0
0
0
0
0
