Монгол Улсын арслан М.Мөнгөн агсаны нэрэмжит xүчит бөxийн барилдаан болно
Хойд Америкийн сагсан бөмбөгийн лигийн 78 дахь шинэ улирал өнөөдөр эхэллээ. 77 дахь улирлын аваргаа хамгаалагч Денвер Наггетс, Лос Анжелес Лейкерс багтай тоглох бол Голден Стэйт Уорриорс баг Финикс Санс багтай учраа таараад байна. Өнгөрсөн улирлыг эргэн санавал Денвер Наггетс баг плэй-оффын финалд Миами Хит багтай таарч цувралыг 4-1 харьцаатай дуусгаснаар түүхэндээ анх удаа НБА-д түрүүлж Никола Иокич финалын үнэ цэнтэй тоглогчийн шагналыг хүртсэн юм.
Энэ улирлын нэг онцлог нь түүхэндээ анх удаа улирлын дундуур цомын тэмцээн явуулахаар болоод байна. Тодруулбал цомын тоглолт нь улирлын тоглолтод тооцогдож явагдана. Ингээд хасагдах шатны тоглолтууд Лас Вегас хотод болно. Түрүүлсэн багт цом өгөх бол тоглосон тоглогчид мөнгөн шагнал олгоно.
Энэ удаагийн солилцоо наймааны цонхоор явагдсан онцлох наймаануудыг дурьдвал:
Дамиан Лиллард – Миллоуки Бакс
Крис Пол – Голден Стэйт Уорриорс
Брэдли Бийл – Финикс Санс
Жрү Холидэй – Бостон Сэлтикс
К.Порзингс – Бостон Сэлтикс багуудад нэгджээ.
Мөн хоёр удаагийн бүх одод Мэмфис Гриззлис багийн тоглогч Жа Морант улирлын эхний 25 тоглолтыг өнжих шийтгэл хүлээгээд байгаа юм. Тэгвэл лигийн нүүр царай Яаннис Антетокоумпо улирал эхлэхээс өмнө Миллоуки Бакс багтайгаа гурван жилийн 186 сая ам.долларын макс гэрээ үзэглэлээ. Сагсан бөмбөгийн мэргэжилтнүүдийн таамаглаж буйгаар энэ улирлын онцлох багууд бол өрнөд бүсээс Миллоуки Бакс, Бостон Сэлтикс, дорнод бүсээс Денвер Наггетс, Лос Анжелес Лейкерс, Финикс Санс багууд багтаж байна.
0
0
0
0
0
0
0
0
