Монгол Улсын арслан М.Мөнгөн агсаны нэрэмжит xүчит бөxийн барилдаан болно
Сагсан бөмбөгийн үндэсний дээд лигийн тэмцээн ирэх сарын 3-ны өдөр эхэлнэ. Тус лигт өрсөлдөх 8 багийн 7 нь гаднаас дасгалжуулагч урьж ажиллуулж байна. Ингээд дасгалжуулагчдын нэрсийг танилцуулая.
МУГД С.ТУЛГА "АРХАНГАЙ ДАЙЧИД" БАГИЙН АХЛАХ ДАСГАЛЖУУЛАГЧААР АЖИЛЛАХААР БОЛЛОО
МСБХ-ны Үндэсний Дээд лигийн 2023-24 оны улиралд Архангай Дайчид багийн ахлах дасгалжуулагчаар МУГД С.Тулга ажиллахаар боллоо. Тэрбээр Монгол улсад сагсан бөмбөг тэр дундаа 3х3 төрлөөр анхны шав суурийг нь тавьсан эрхэм юм. Энэ татсан шангаар манай улсын 3х3 төрлийн баг тамирчид амжилт ялалтаа таслахгүй тогтмол үзүүлсээр байна. Түүний хувьд туршлагатай дасгалжуулагч нарын нэг билээ.
LEE MIN KHYUNG "ЗАВХАН BROTHERS" БАГИЙГ ДАСГАЛЖУУЛНА
МСБХ-ны Үндэсний Дээд лигийн 2023-24 оны улиралд Завхан Brothers багийн ахлах дасгалжуулагчаар Өмнөд Солонгос улсын иргэн Lee Min Khyung ажиллахаар боллоо. Тэрээр 1999 оноос хойш мэргэжлийн сагсан бөмбөгийн дасгалжуулагчаар ажиллаж буй арвин туршлагатай эрхэм юм. Lee Min Khyung 2010-2017 оны хооронд "Korea" Их Сургуулийн сагсан бөмбөгийн шигшээ багийг удирдаж гурван улирал дараалан Солонгос улсын Оюутны сагсан бөмбөгийн лигийн аваргаар тодорч байжээ.
Lee Min Khyung сүүлд буюу өнгөрсөн улиралд Солонгос улсын сагсан бөмбөгийн дээд лигийн “Pegasus” багийн ерөнхий менежерээр ажилласан байна.
СЕРБИ МЭРГЭЖИЛТЭН PREDRAG STOJANCEV "ТЭНҮҮН ӨЛЗИЙ МЕТАЛЛ" БАГИЙГ ДАСГАЛЖУУЛНА
МСБХ-ны Үндэсний Дээд лигийн 2023-24 оны улиралд Тэнүүн Өлзий Металл багийн ахлах дасгалжуулагчаар Серби мэргэжилтэн Predrag Stojancev эрхэм ажиллахаар боллоо. Тэрээр мэргэжлийн сагсан бөмбөгийн дасгалжуулагчаар 20 жил ажилласан туршлагатай. Сүүлийн 7 жилийн турш Хятадын сагсан бөмбөгийн оюутны лиг болон дээд лигт ажилласан байна.
СЛОБОДАН СУБОТИЧ "BCH GARID" БАГИЙН АХЛАХ ДАСГАЛЖУУЛАГЧААР АЖИЛЛАНА
МСБХ-ны Үндэсний Дээд лигийн 2023-24 оны улиралд BCH Garid багийн ахлах дасгалжуулагчаар Словени улсын иргэн Слободан Суботич ажиллахаар боллоо. Тэрээр ахлах дасгалжуулагчийн хувиар Грек, Лебан, Итали, Хорват улсуудын лигүүдэд ажиллаж байсан арвин туршлагатай эрхэм.
Тэрбээр 1993 оноос хойш дасгалжуулагчийн замналаа эхлүүлж, 1997-1999 онуудад Панатинайкос, 2002-2003 онд Олимпиакос зэрэг Грекийн алдарт багуудыг дасгалжуулж байжээ. Грекийн лигт ажиллах хугацаандаа хоёр удаа аваргын цом өргөж, хоёр удаа улирлын шилдэг дасгалжуулагч болж байсан түүхтэй байна.
СЕРБИ МЭРГЭЖИЛТЭН VASILJIVEC ZELJKO "ХАСЫН ХҮЛГҮҮД" БАГИЙН ЕРӨНХИЙ ДАСГАЛЖУУЛАГЧААР АЖИЛЛАНА
МСБХ-ны Үндэсний Дээд лигийн 2023-24 оны улиралд Хасын Хүлэгүүд багийн ахлах дасгалжуулагчаар Серби мэргэжилтэн Vasiljivec Zeljko ажиллахаар боллоо.
FRAGKIAS VASILEIOS "ERDENET MINERS" БАГИЙГ ДАХИН ДАСГАЛЖУУЛЖ БАЙНА
МСБХ-ны Үндэсний Дээд лигийн 2023-24 оны улиралд Erdenet Miners багийн ерөнхий дасгалжуулагчаар Fragkias Vasileios дахин ажиллахаар болж гэрээ байгууллаа. Тэрээр өнгөрсөн улиралд Эрдэнэт Майнерс багийг удирдаж, аварга болсон билээ.
LEE HYUSANG "НАЛАЙХ БИЗОН" БАГИЙГ ДАСГАЛЖУУЛНА
МСБХ-ны Үндэсний Дээд лигийн 2023-24 оны улиралд Налайх Бизон багийн ахлах дасгалжуулагчаар Өмнөд Солонгос улсын иргэн Lee Hyusang ажиллахаар боллоо.
СЕРБИ SLAVOLJUB LALE "IHC APES" БАГИЙН ЕРӨНХИЙ ДАСГАЛЖУУЛАГЧААР АЖИЛЛАНА
МСБХ-ны Үндэсний Дээд лигийн 2023-24 оны улиралд IHC Apes багийн ерөнхий дасгалжуулагчаар Серби улсын иргэн Slavoljub Lale ажиллахаар боллоо. Тэрээр 2023 оны PBA League буюу Филлиппин улсын дээд лигийн, Governor's Cup-д түрүүлсэн байна.
Сагсан бөмбөгийн үндэсний дээд лигийн тэмцээн UG аренад болно. Лигийн тэмцээний нээлтийн үйл ажиллагаа 11-р сарын 03-ны өдөр 18:10 цагт болно.
0
0
0
0
0
0
0
0
