Эx газрын БНXАУ болон Тайванийн арлын төвөгтэй xарилцаа
Хан Юнис хотод хүүхдийн цогцсыг ороож, тэвэрсэн эмэгтэйн зураг Газын зурвас дахь байр байдлыг харуулж байна гэж Guardian сэтгүүл тодотгожээ.
Рафах болон Хан Юнис хрт Израилийн армийн агаарын цохилтод өртсөөр буй. Мөн Газа хотын хөл хөдөлгөөн ихтэй эмнэлэгт болсон томоохон дэлбэрэлтийн улмаас 471 палестин хүн амиа алдсан харамсалтай үйл явдлууд энэ долоо хоногт тохиосон. Энэ нь 2007 онд босогчид тус зурвасыг эзлэн авснаас хойш ХАМАС болон Израилийн хооронд нэг дор хамгийн их хүний амь эрсэдсэн тохиолдол болсон юм.
Газын албаныхан Израилийг эмнэлгийн дэлбэрэлтэд буруутгаж байгаа. Харин Израиль үгүйсгэж, Газад үйл ажиллагаа явуулж буй өөр нэг зэвсэгт бүлэглэл болох Палестины “Исламын Жихад”-ын пуужингийн довтолгооноос болж дэлбэрэлт болсон хэмээгээд үүнийг нотлох дүрс бичлэг, аудио болон бусад мэдээллийг тараасан. “Исламын Жихад” энэ мэдэгдлийг үгүйсгэсэн бөгөөд дэлбэрэлтийн цар хүрээ нь зэвсэгт бүлэглэлийн чадавхиас давсан гэсэн юм. Хамас бүлэглэл 12 хоногийн өмнө Израилийн өмнөд хэсэгт гэнэтийн дайралт хийж, 1300 гаруй израиль хүний аминд хүрснээс хойш Газын зурвас агаарын цохилтын бай болсон. Тодруулбал, хамгийн сүүлийн үеийн байдлаар 3000 палестин хүн амиа алдсан гэж Газын эрүүл мэндийн албаныхан мэдэгдлээ.
SOURCE: GUARDIAN
0
0
0
0
0
0
0
0
