Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Боловсрол шинжлэх ухааны сайд болон ажил хариуцсан бусад хүмүүс Улаанбаатар хотод үйл ажиллагаа явуулж байгаа зарим тусгай сургууль, цэцэрлэгт ажиллажээ.
29 дүгээр сургуулийн тухайд 640 хүүхдийн суудалтай сургуулийн байртай бөгөөд 273 хүүхэд хичээллэдэг байна. Сурагчдын дийлэнх нь ажлын 5 өдөр сургуулийнхаа дотуур байранд байрладаг. Дотуур байр болон сургуулийн дээврийг засварлахаар шийдвэрлэжээ. Цэцэрлэгт явж байгаад тусгай сургуульд элссэн хүүхдүүдтэй ажиллахад хялбар байдаг гэж тус сургуулийн удирдлага хэлэв.
116 дугаар сургуулийн тухайд харааны бэрхшээлтэй 130 хүүхэд суралцаж байна. Сургуулийнхаа дээд давхрыг дотуур байрны хэлбэрээр ашигладаг ба 54 хүүхэд амьдардаг аж. Технологийн дэвшлийг хичээл сургалтад ашиглах шаардлагатай. Тиймээс брайль дисплейгээр хангахыг хүсжээ.
25 дугаар сургуульд ажиллах үеэрээ 63, 70, 55 дугаар сургуулийн удирдлагатай хамтарсан уулзалтыг зохион байгуулсан юм. Оюуны бэрхшээлтэй хүүхэдтэй ажилладаг багш нар гүйцэтгэлийн үнэлгээний аргачлалыг дахин шинэчлэх талаар саналууд хэлсэн байна.
Энэ сургуулиудаас энгийн сургууль руу хүүхэд шилждэг боловч эргээд ирдэг тохиолдол олон байдаг. Сүүлийн жилүүдэд хавсарсан бэрхшээлтэй хүүхдийн тоо нэмэгдэж байгааг сургууль бүрийн удирдлага хэлэв. Дээрх сургуулиудын тухайд нийтлэг хэд хэдэн асуудлыг хөндөж байгаа юм.
- Багш болон багшийн туслахын хүрэлцээг сайжруулах. Туслах багшийн орон тоо, цалин байгаа боловч хүн ирдэггүй байна.
- Нэг хичээлийн үргэлжлэх цагийг шинэчлэх
- Бүлэг дүүргэлтийг багасгаж, стандартыг шинэчлэх
- Тусгай сургуулиудад түшиглэн хөгжлийн бэрхшээлтэй хүүхэдтэй ажиллах энгийн сургуулийн багш нарыг чадавхжуулах
- Хүнд хэлбэрийн бэрхшээлтэй буюу 100 хувь хараагүй, сонсголгүй, оюуны бэрхшээл нь хүнд хүүхдүүдийг ялангуяа бага ангид нь тусгай сургуульд хамруулах зэрэг юм.
Ойрын үед бусад сургуульд ажиллах бөгөөд тусгай сургуульд ажилладаг багш нарын нэгдсэн уулзалтыг зохион байгуулахаар болжээ.
0
0
0
0
0
0
0
0
