Өнгөрсөн долоо xоногт 92 гал түймрийн дуудлага иржээ
Баянзүрх дүүргийн 19 дүгээр хорооны нэр бүхий иргэн өөрийн эзэмшлийн суудлын автомашины багаажад ачаа ачих үедээ арын суудалд хэвтүүлсэн нэг сартай хүүхдийг сандлын түшлэгээр дарсан гэх дуудлага, мэдээлэл бүртгэгджээ.
"Нярай хүүхдийн биеийн байдал хөнгөн, одоогоор эмнэлэгт хэвтэн эмчлүүлж байгаа" гэж цагдаагийн байгууллагаас мэдээллээ.
Цагдаагийн байгууллагад хүүхэд зам тээврийн осолд өртөх, жолооч ойр орчныг шалгахгүй хөдөлгөөн эхлүүлснээс ард, урд тоглож байсан бага насны хүүхдийг дайрах, автомашины цонх онгорхой хөдөлгөөнд оролцох үед хүүхэд цонхоор унах, донсолгоонд шидэгдэх, машин дотроо бага насны хүүхдийг цоожлох, хүүхдийг тусгай зориулалтын бүс, сандалгүй зорчуулаагүйгээс гэмтэх, дотор нь хүүхэд байгааг шалгалгүйгээр автомашиныг ачиж, журмын хашаанд хадгалах зэрэг насанд хүрэгчдийн зөвхөн автомашинтай холбоотой хариуцлагагүй үйлдлээс хүүхдийн амь нас, эрүүл мэнд, аюулгүй байдалд эрсдэл учирч байна.
Иймд хүүхдэд автомашины сандлын түшлэгээр хүртэл амь нас, эрүүл мэндэд нь хохирол учруулж болзошгүйг анхаарч, хүүхэд байгаа газарт сонор сэрэмжтэй, анхаарал болгоомжтой, аливаа эрсдэлээс сэргийлэхийг зөвлөлөө.
Эх сурвалж: ЦЕГ
0
0
0
0
0
0
0
0
