ТЦА: Их тэнгэрт болсон ослын улмаас нэг хүн амиа алдсан
Засгийн газрын ээлжит хуралдаанаас гаргасан шийдвэрийг өнөөдөр танилцууллаа.
Цахим хөгжил, харилцаа холбооны сайд Н.Учрал “Есдүгээр сарын 4-8-ны өдрүүдэд “Нээлттэй засгийн түншлэл” дээд хэмжээний уулзалт зохион байгуулагдсан. Энэ үеэр “Нээлттэй засгийн түншлэл” олон улсын байгууллагад гишүүнчлэлтэй 70 гаруй улсын ЗГХЭГ-ын дарга, Харилцаа холбооны сайд, Шадар сайд, Дэд сайд болон иргэний нийгмийн байгууллагын төлөөлөлтэйгөөр тус дээд хэмжээний уулзалт боллоо.
Энэхүү уулзалтаас цахим шилжилтэд манлайлж буй, авлигын эсрэг ил тод ажиллаж байгаа улс орны засгийн газрын үйл ажиллагааг үнэлж, дүгнэж, хүндэт өргөмжлөл гардуулдаг уламжлалтай. Хөндлөнгийн үнэлгээ хийсний дагуу “Нээлттэй засгийн түншлэл” дээд хэмжээний уулзалтаас Монгол Улсын Засгийн газар, ЦХХХЯ, И-Монгол академийг “Нээлттэй засгийн түншлэл”-ийн хүндэт өргөмжлөлөөр шагнаж, цахимжилтад өндөр хувь нэмэр үзүүлж байгааг бодитоор үнэлсэн.
НҮБ-аас гаргадаг цахим хөгжлийн индексээр бид 18 байр урагшилж, 74 дүгээр байранд орсон. Энэ үзүүлэлтүүд цаашдаа авлигалын индексийг бууруулахад хувь нэмэр оруулахаар хүлээгдэж байна.
Энэ шагнал бол И-Монголиа аппликейшныг хэрэглэж буй 1,6 сая хэрэглэгч, тоон гарын үсэг хэрэглэж буй 800 мянган иргэний хамтын шагнал. Мөн нээлттэй засгийн ил тод байдалд Монгол Улсын Засгийн газар өнгөрсөн хугацаанд 5Ш ажиллагааны хүрээнд шилэн ажиллагааг явуулж, үлгэр загвар болох нээлттэй засгийн бодлого хэрэгжүүлсэн гэдгийг олон улсад өндрөөр үнэлж байна” гэв.
Дэлгэрэнгүйг бичлэгээс үзнэ үү.
0
0
0
0
0
0
0
0
