Монгол Улсын арслан М.Мөнгөн агсаны нэрэмжит xүчит бөxийн барилдаан болно
PUBGM тоглоомын төрлийн зүүн Ази бүсийн аварга шалгаруулах тэмцээний намрын улирлын тоглолтууд дуусжээ. Пакистан болон Зүүн Ази бүсийн нийт 16 баг өрсөлдсөн тус тэмцээнд манай улсаас зургаан баг оролцсон юм. Дөрвөн өдрийн 24 тоглолтын үр дүнгээр Stalwart esports баг Зүүн Азийн аварга шалгаруулах тэмцээнд тав дахь удаагаа түрүүллээ.
Мөн манай улсын 4 Merical vibes хоёрдугаар, NB esports дөрөвдүгээр IHC esports тавдугаар байрт шалгарсан амжилттайгаар 2023 оны Зүүн Ази бүсийн 2023 намрын улирлын аварга шалгаруулах дуусгаж байна. Stalwart esports багийн тоглогч А.Бүрэнбаяр буюу TOP Зүүн Азийн аварга шалгаруулах тэмцээний үнэ цэнтэй тоглогчоор дөрөв дэх удаагаа шалгарав.
Энэхүү тэмцээн нь нийт 150 мянган ам.долларын шагналын сантай бөгөөд Stalwart esports баг 26 мянган ам.доллар, 4 Merical vibes 20 мянган ам.доллар, NB esports 13 мянган ам.доллар, IHC esports 12 мянган ам.доллар шагнал хүртлээ. Зүүн Ази бүсийн намрын улирлын аварга шалгаруулах тэмцээнээс эхний дөрвөн баг PUBGM тоглоомын ДАШТ-ий лигийн шатны эрхээ авна. Энэ жилийн дэлхийн аваргын лигийн шатанд манай улсаас Stalwart esports, 4 Merical vibes, NB esports, IHC esports гэсэн дөрвөн баг оролцохоор болов.
Ойролцоогоор гурван сая ам.долларын шагналын сантай зохион байгуулагддаг PUBGM тоглоомын дэлхийн аваргын лигийн шатанд анх удаа Монголоос дөрвөн баг оролцохоор болж байна.
0
0
0
0
0
0
0
0
