Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Бригадын генерал Д.Баасандамбыг Ерөнхийлөгчийн Аюулгүй байдал, батлан хамгаалах бодлогын зөвлөхөөр томилжээ.
Өмнө нь дэслэгч генерал Ц.Тогоо Аюулгүй байдал, батлан хамгаалах бодлогын зөвлөхөөр ажиллаж байсныг чөлөөлсөн байна.
Шинээр томилогдсон зөвлөх бригадын генерал Д.Баасандамба нь Үндэсний Батлан хамгаалах их сургуулийг автын инженер мэргэжлээр төгссөн. Дараа нь Батлан хамгаалах удирдлагын академи, ОХУ-ын Жанжин штабын академийг тус тус төгссөн. Цэргийн шинжлэх ухааны доктор. Аюулгүй байдал, батлан хамгаалах бодлого судлалын асуудлын хүрээнд кибер аюулгүй байдлын асуудал хариуцан ажиллаж байсан.
ҮБХИС-ийн дэд профессор, авто техникийн зөвлөх инженер, цэргийн мэргэжлийн I дүгээр зэрэгтэй. Англи, орос хэлтэй.
2009 онд Малайз Улсад “НҮБ-ын энхийг дэмжих ажиллагааны цэргийн багийн захирагчийн дамжаа”, 2010 онд Канад Улсын Зэвсэгт хүчний Гадаад хэлний сургуулийн англи хэлний дамжаа, 2013 онд ХБНГУ-д НАТО-гийн “Хямралт байдлын удирдлагын дамжаа”, 2015 онд АНУ-ын Хавайн Ази-Номхон Далайн аюулгүй байдлын судлалын төвийн “Ахисан түвшний аюулгүй байдлын дамжаа, 2022 онд мөн төвийн “Хамтын аюулгүй байдлын дамжаа”-нд мэргэжил дээшлүүлжээ.
0
0
0
0
0
0
0
0
