Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
Украины зүүн өмнөд хэсгийн фронтын шугамд амжилт үзүүлсэн гэж Украины арми мэдэгдлээ.
Тус улсын ерөнхийлөгч В.Зеленскийн нийтэлсэн видео бичлэгт Украины цэргүүд Старомайорске тосгоныг эзэлсэн гэсэн байна. Өмнө нь Украины арми Запорожийн зүүн хэсэгт орших ижил бүсэд хүрч, "байр сууриа бэхжүүлж байна" гэдгээ мөн мэдэгдэж байсан. Гэхдээ энэ бүсэд Украин сөрөг довтолгоогоо эрчимжүүлсэн гэдгээ батлаагүй байна. Харин ОХУ-ын Ерөнхийлөгч В.Путин Украины довтолгоо "нэлээд" эрчимжсэн гэсэн ч
"Тэд амжилт олоогүй. Бүх сөрөг довтолгооныг зогсоож, дайсан их хэмжээний хохирол амссан" гэж сэтгүүлчдэд хэлсэн байна. Нөгөөтээгүүр, ОХУ-ын дэмжлэгтэй зэвсэгт хүчний удирдагч Александр Ходаковский В.Путины хэлсэн үгнээс өөр үзэл бодолтой байгаагаа илэрхийлж, Украин хэд хоногийн турш Старомайорск дахь чадавхиа бэхжүүлж, захын бүсийг барьж, урагшилсаар ийн ялалт байгуулж чадсан гэсэн юм. Түүнчлэн Оросын цэргийн блоггер ВарГонзо “Старомайорск бол Запорожжийн зүүн өмнөд хэсэгт байрлах Оросын фронтын гол цэг байсан тул энэ мэдээ сэтгэл түгшээж байна” гэжээ.
Фронтын шугамын талаар албан ёсны мэдээ байхгүй тохиолдолд Оросын дайны блоггеруудыг чухао эх сурвалж гэж тооцдог.
0
0
0
0
0
0
0
0
