Манай улс НҮБ-ын Хүний эрхийн зөвлөлд дөрөв дэх тайлангаа хүргүүлнэ
“Украины дайн дуусах ёстой” гэж Өмнөд Африкийн ерөнхийлөгч Сирил Рамафоса Оросын ерөнхийлөгч Владимир Путинд хэллээ.
Рамафоса Африкийн бусад зургаан оронтой хамт Санкт-Петербург хотноо Путинтэй уулзах үеэрээ үүнийг хэлсэн байна. Тэрбээр Украины Ерөнхийлөгч Володимир Зеленскийтэй өнгөрсөн баасан гарагт уулзаж байхад Украины тал газар нутгаас нь цэргээ гаргаагүй цагт яриа хэлэлцээ хийх боломжгүй гэдгийг хэлсэн байна.
Харин Путин Африкийн удирдагчдад “Украин үргэлж яриа хэлэлцээ хийхээс татгалзсаар ирсэн” гэж хэлжээ. Санкт-Петербургт болсон уулзалтын үеэр Рамафоса мөн дайны олзлогдогсдоо буцааж өгөхийг талуудад уриалж, Орост авчирсан Украин хүүхдүүдийг эх оронд нь буцааж өгөх ёстой гэдгийг онцолсон. Орос, Украины дайны үеэр олон зуун украин хүүхдүүдийг гэр бүлээс нь албадан гаргасан хэргээр Путиныг олон улсын эрүүгийн шүүх дайны гэмт хэрэг үйлдсэн хэргээр буруутгаж байгаа юм. Ийн Африкийн төлөөлөгчид хүүхдүүдийг гэр бүлд нь буцааж өгөхийг уриалж байхад Путин тэдний яриаг тасалж, Орос тэднийг хамгаалж байна гэж хэлсэн байна.
Тодруулбал, "Хүүхэд бол ариун нандин зүйл. Бид тэднийг мөргөлдөөний бүсээс гаргаж, амь нас, эрүүл мэндийг нь аварсан" гэжээ. НҮБ-аас Украины олон зуун хүүхдийг Орос руу хууль бусаар шилжүүлсэн тухай нотлох баримт байгаа гэж мэдэгдэж байсан удаатай. Рамафоса мөн Путинд дайны Африкт үзүүлэх нөлөөллийн талаар анхааруулаад, энэ асуудлыг дипломат аргаар шийдвэрлэх ёстой гэж мэдэгджээ. Дайн нь Украинаас үр тариа, Оросоос бордоо экспортлохыг эрс хязгаарлаж, энэ нь ялангуяа Африкийн орнуудад нөлөөлж, дэлхийн хүнсний аюулгүй байдлыг улам хурцатгасан түвшинд аваачсан билээ.
SOURCE: AL JAZEERA
0
0
0
0
0
0
0
0
