Ч.Хантүмэн: Данс хаачихлаа, дарга нарыг мууллаа гээд ингэв үү
Австри дахь Адольф Гитлерийн төрсөн байшинг цагдаагийн ажилтнуудад зориулсан хүний эрхийн сургалтын төв болгоно гэж Австрийн Дотоод хэргийн яам лхагва гарагт мэдэгдлээ. Баруун хойд Браунау ам Иннд байрлах уг барилга нь цагдаагийн газрын хамт байх юм байна. Энэ талаар Венийн их сургуулийн орчин үеийн түүхийн хүрээлэнгийн профессор, түүхч Оливер Ратколб "Бид өнгөрсөн түүхтэйгээ нүүр тулж, энэ газрыг хэрэгтэй, утга учиртай болгох цаг нэгэнт болсон" гэж хэлжээ.
Гитлер тус барилгын нэг байранд 1889 оны 4-р сарын 20-нд мэндэлсэн ба гурван нас хүртлээ амьдарсан байна. 1970-аад оноос хойш энэ барилгад олон хандивын үйл ажиллагаа явуулж байсан ч 2011 оноос хойш хоосон байгаа аж. 2016 онд Австрийн засгийн газар уг барилгыг нураана гэсэн ч больсон юм. Ийн уг газрыг хамгаалалтад авсны дараа Австрийн засгийн газар неонацистууд болон Гитлерийн үзэл суртлыг дэмждэг бусад хүмүүс энэ барилгыг авахаар санаархах вий гэж санаа зовсон хэвээр байсан гэнэ. Харин 2019 онд уг барилгыг хүний эрхийн сургалтын төв болгох шийдвэрийг гаргасан тухайгаа Австрийн тухайн үеийн Дотоод хэргийн сайд Вольфганг Песхорн тайлбарлахдаа “Цагдаагийнхан уг байшинг цаашид ашиглах нь энэ барилга хэзээ ч хүний эрхийн эсрэг үйлчлэхгүй гэдгийг гэрчилнэ” гэсэн байна. Ойролцоогоор 20 сая еврогийн (21.5 сая доллар) өртөгтэй засварын ажлыг 2025 онд дуусгахаар төлөвлөж байгаа юм байна.
Эх сурвалж: CNN
0
0
0
0
0
0
0
0
