Монгол Улсын арслан М.Мөнгөн агсаны нэрэмжит xүчит бөxийн барилдаан болно
2023 оны жүдо бөхийн насанд хүрэгчдийн ДАШТ-ээс Монголын тамирчдын медалийн салхийг ОУХМ Ёндонпэрэнлэйн Басхүү хагаллаа. Эрэгтэйчүүдийн 66 кг-д барилддаг тэрбээр дэлхийн дэвжээнээс хоёр дахь хүрэл медалиа хүртэн, монгол түмнээ баярлуулав.
Үндэсний шигшээ баг, “Хилчин” спорт хорооны тамирчин Ё.Басхүү хагас шигшээд ДАШТ-ий хоёр алт, нэг мөнгөн медальт, Японы жүдоч Жоширо Марүяматай цаг сунган барилдаад вазари үнэлгээгээр ялагдсан. Хэрвээ ялсан бол дөрвөн жилийн хугацаанд ганц ч ялагдаагүй яваа дэлхийн дөрвөн удаагийн аварга Хифүми Абэтай барилдах байв.
Улмаар Ё.Басхүү хүрэл медалийн төлөөх барилдаанд "Токио-2020" олимпийн мөнгө, "Будапешт-2021" ДАШТ-ий хүрэл медальт, Гүржийн Вбөх ажа Маргвелашвилиг нэмэлт цагт цэвэр ялж, дэлхийн хошой медальтан болов. Ингэснээр ДАШТ-ээс хоёр болон түүнээс дээш медаль хүртсэн тав дахь монгол жүдоч боллоо. Түүнээс өмнө Хөдөлмөрийн баатар Х.Цагаанбаатар, Д.Сумъяа, М.Уранцэцэг, гавьяат тамирчин Г.Болдбаатар нар ийм амжилтыг гаргаж байв.
Ё.Басхүү ДАШТ-ий медалийн төлөө хамгийн анх 2019 онд барилдсан. Дэлхийн дэвжээнд анх удаа барилдсан тэр жилээ хүрэл медалийн төлөө Молдавын бөх Денис Виеруд ялагдан, V байрт шалгарсан юм.
Дараа нь буюу 2021 оны ДАШТ-ээс анхны медалиа хүртсэн. Хүрэл медалийн төлөөх барилдаанд Азийн наадам, Азийн АШТ-ий мөнгө, хүрэл медальт, Казахстаны жүдоч Елдос Зумакановыг ялсан. Тэр жил хүрэл медалиа алдарт бөх Карелинаас гардаж байлаа.
Ё.Басхүү Завхан аймгийн Нөмрөг суманд 1993 оны аравдугаар сарын 1-нд төрсөн. Энэ жил 30 настай. Түүнийг жүдо бөхийн спортоор хичээллэхэд хамгийн их нөлөөлсөн хүн бол улсын гарьд М.Баяржавхлан. Анхны багш нь Гавьяат дасгалжуулагч Ц.Шийрэв. Самбо бөхийн залуучуудын улсын аваргад 2 кг-д барилдаад хүрэл медаль хүртэн, анхны амжилтаа гаргажээ. “Шонхор кап”-т түрүүлсэн нь жүдогоор гаргасан анхны амжилт нь.
Токиогийн олимпод VII байрт шалгарсан тэрбээр өдгөө бэлтгэлээ Гавьяат тамирчин, Гавьяат дасгалжуулагч Х.Болдбаатарын удирдлагад үндэсний шигшээ баг дээр хийдэг.
Ё.Басхүү Их дуулгын нэг алт, хоёр мөнгө, долоон хүрэл, Мастерсын нэг хүрэл, гран пригийн нэг алт, хоёр хүрэл, Азийн аваргын нэг алт, нэг хүрэл медальтай.
0
0
0
0
0
0
0
0
