“Робот, дрон кодчилол”-ын үндэсний аваргууд тодорлоо
Монгол улсын соёлын гавьяат зүтгэлтэн, улсын начин Содномын Эрхэмбаярын нэрэмжит аймаг, цэргийн цолтой болон залуу 256 бөхийн барилдаанд Өвөрхангай аймгийн Хархорин сумын харьяат, ЗХ-ний 016 анги, “Алтан жолоо” групп, “Их Монголын хүчтэн” дэвжээний бөх, аймгийн хурц арслан Оюунгэрэлийн Наранбаатар түрүүлж, Төв аймгийн Баянчандмань сумын харьяат, “Сүлд” спорт хороо, “Урьхан” ХХК, “Дүнжингарав” дэвжээний бөх, аймгийн хурц арслан Эрдэнэбилэгийн Ууганбаяр үзүүрлэв.
Дөрөвт Говь-Алтай аймгийн Шарга сумын харьяат, “Хилчин” спорт хороо, “Хантайшир” дэвжээний бөх, аймгийн хурц арслан Э.Даваажаргал, Говь-Сүмбэр аймгийн Сүмбэр сумын харьяат, "Чойр Хайрхан" ХХК, "Чойрын Богд" дэвжээний бөх, аймгийн арслан Б.Гончигтавхай нар шалгарлаа.
Наймд аймгийн хурц арслан Д.Цэвэлсодном, аймгийн арслан Х.Энхчулуун, Д.Ням-Очир, аймгийн заан Д.Пүрэвдорж нар үлдэв.
Барилдааны үеэр улсын начин С.Эрхэмбаярт ах дүү, үр хүүхдүүд, найз нөхөд, нутаг нугынхан нь хүндэтгэл үзүүлж, түүний шавь уран бүтээлчид мэндчилгээ дэвшүүлсэн юм.
Дараагийн барилдаан ирэх долоо хоногийн амралтын өдрүүд буюу тавдугаар сарын 13-нд 12:00 цагаас Улсын начин Содномын Дэлгэрбатын нэрэмжит Аймаг, цэргийн цолтой болон залуу 256 бөхийн барилдаан, 14-нд 12:00 цагаас "Алтан жолоо” группийн нэрэмжит Улсын арслан цолны хүндэтгэл улс, аймгийн алдар цолтой 256 бөхийн барилдаанаар тус тус үргэлжилнэ.
0
0
0
0
0
0
0
0
