Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Туршлагаараа салбартаа тэргүүлэгч “Эм Си Пи” компани, “Зайсан хилл” цогцолбор, “Оюуны Ундраа” групп хамтран хуримын энэ оны хамгийн том үзэсгэлэнг зохион байгуулж байна.
Энэ амралтын өдрүүдэд болж буй тус үзэсгэлэнд 20 байгууллага оролцон, хуримын цогт үйлчилгээ үзүүлж байгаа юм. Захиалга өгсөн хосуудад MCP компани 10 хувийн, үзэсгэлэнд оролцогч байгууллагууд 500 мянгаас 15 сая төгрөгийн хөнгөлөлт үзүүлж буйгаараа онцлогтой.
“Хуримын үзэсгэлэн-2023”-ын талаар “Оюуны ундраа” группийн Үл хөдлөх хөрөнгө хариуцсан захирал О.Энэрэл “Энэ жилийн хуримын үзэсгэлэн маш олон онцлогтой. Энэ удаагийн үзэсгэлэн хосуудад бодит мэдрэмж өгнө. Хуримаа хийвэл ямар байх яг бодит орчныг бид бүхэн MCP компанитай хамтран бүрдүүлж өгснөөрөө онцлогтой.
Хуримын чимэглэлээс авхуулаад хуриманд хэрэгтэй бүхнийг бодитоор хараад сонголтоо хийх боломж олгож байна. Би энэ жил хуримаа хийнэ. Над шиг хуримаа хийхээр догдолж буй бүх хосууддаа энэ удаагийн үзэсгэлэнг зориуллаа.
Манай “Зайсан хилл”, ялангуяа event hall-ын хувьд 2018 оноос хойш үйл ажиллагаа явуулж байгаа. Таван жил гаруйн хугацаанд бид нийт 1000 гаруй эвент зохион байгуулсан. Энэ дунд хуримын үйлчилгээ, эвентүүд түлхүү орж ирдэг” гэв.
MCP компанийн гүйцэтгэх захирал Б.Баттулга “Манай MCP компани 20 жилийн хугацаанд чимэглэл, тохижилт, эвентийн чиглэлээр үйл ажиллагаа явуулж байна. Би эвент хэсгээ хариуцдаг, гүйцэтгэх удирдлага нь. Манай компани долоо дахь жилдээ хуримын үзэсгэлэнг зохион байгуулж байгаа. “Зайсан хилл” дээр хоёр дахь жилдээ хуримын үзэсгэлэн зохион байгуулж байна.
Бид энэ удаагийн үзэсгэлэнг дөрөвдүгээр сард зохион байгуулж байгаа нь олон онцлогтой. Хуримын ёслол долоо, наймдугаар сард ид болдог. 2-3 сарын өмнө бид үндсэн багц мэдээллүүдээ нэг дор өгч, үзэсгэлэн хийж байна. Ингэснээр хосууд хуримаа эртнээс төлөвлөх боломжтой.
Хуримынхаа үйл ажиллагааг зохион байгуулъя, чимэглүүлье, тохижуулъя, цогц үйлчилгээ авъя гэж буй хосууддаа манай компани маш олон хөнгөлөлт үзүүлж байгаа. Үзэсгэлэнгийн хоёр өдөр гэрээ хийсэн хосууддаа үнийн дүнгээс 10 хувийн хөнгөлөлт олгоно.
Үзэсгэлэнд оролцогч байгууллагууд 500.000-аас 15 сая төгрөгийн хөнгөлөлт хосууддаа олгож байгаа. Салбартаа тэргүүлэгч, хамгийн шилдэг нэг л байгууллагыг бид үзэсгэлэнд оролцуулсан. Тэгэхээр хамгийн шилдэг байгууллагын, хамгийн чанартай үйлчилгээг эндээс авах боломжтой” гэлээ.
0
0
0
0
0
0
0
0
