Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
БНСУ-д хөдөлмөр эрхлэх зөвшөөрлийн тогтолцооны хүрээнд ажиллах хүсэлтэй иргэдээс авах солонгос хэлний түвшин тогтоох шалгалтын энэ оны хуваарь гарчээ.
Энэ удаагийн Солонгос хэлний түвшин тогтоох шалгалтад ehalamj.mn сайтаар бүртгүүлнэ. Тус шалгалтад зөвхөн бүртгэлийн код хүлээн авсан иргэд хуваарийн дагуу хамрагдахыг мэдэгдсэн байна.
Шалгалт зохион байгуулагдах хугацаа:
- Нэгдүгээр ээлж дөрөвдүгээр сарын 7-28-ны өдрүүдэд (2880)
- Хоёрдугаар ээлж 2023 оны 6 дугаар сарын 12-30-ны өдрүүдэд (2696)
Шалгалт зохион байгуулагдах газар: Хөдөлмөр, халамжийн үйлчилгээний ерөнхий газрын хоёрдугаар давхарт CBT танхимд (ХУД. 20-р хороо, Чингисийн өргөн чөлөө, Таван Богд группийн замын урд талд)
Шалгалт өгөхөөр ирэхдээ анхаарах зүйлс:
- Шалгалтын хуваарийг бүртгэлийн программ хангамжаас автоматаар ТАНД олгогдсон "5040…" дугаараар шалгана.
- Хуваарьт өдөр, цагт шалгалтад орохдоо цахим үнэмлэх эсхүл гадаад паспорт (ТҮЦ машинаар уншуулсан лавлагаа)-ыг эх хувиар нь заавал биедээ авч ирнэ. Бичиг баримтгүй бол шалгалтад орох боломжгүй.
- Энэ онд 110-аас дээш оноо авсан нийт 2,404 Монгол ажилтныг онооны дарааллаар сонгон шалгаруулж авахаар төлөвлөсөн тул солонгос хэлний Topik (1~2 түвшин) болон дундаас дээш түвшинд бэлтгэгдсэн байна.
- Шалгалтад хамрагдах цагийг хатуу баримтлан суудлаа эзэлсэн байна. Шалгалтын цагаас хоцорсон тохиолдолд нөхөж өгөх боломжгүй.
- Шалгалтын байранд бусдад саад учруулахгүй байж, шалгалтын комиссын зааврыг дагаж мөрдөнө.
- Унших, сонсох төрлөөр завсарлахгүйгээр 50 минутын турш үргэлжлэх тул шалгалтаас түр гарахыг хориглоно.
- Бямба, Ням гаригуудад шалгалт зохион байгуулагдахгүй. Хугацааны хувьд тухайн нөхцөл байдлаас хамаарч өөрчлөлт орж болно.
- Таны бүртгэлтэй утасны дугаарт ХХҮЕГ-ын /131288/ тусгай дугаараас шалгалт өгөх хугацааг сануулсан мессэж илгээгдэнэ.
- Солонгос хэлний түвшин тогтоох шалгалтад тэнцсэн иргэдийг нэрсийг 2 дахь шалгалт буюу Ур чадварын шалгалтын хуваарьтай хамт (Y/8 ,YIII/11) зарлана.
Шалгалтын бүтэц:
- Олон хувилбарт тест,
- Унших, сонсох шалгалт нь завсарлахгүйгээр үргэлжилнэ.
Онооны тайлбар: Нийт авах боломжит оноог 200%-д хувилах тохиолдолд 55 оноо нь 110 оноотой ижил байна.
Шалгуур: Нийт 100 оноо авах ёстойгоос 55-с дээш оноо авсан иргэдийг өндөр онооны дарааллаар авахаар төлөвлөж буй тооноос 1.1 дахин их тоонд багтааж шалгаруулна.
0
0
0
0
0
0
0
0
