Улсын xарцага Д.Одсүрэнгийн нэрэмжит барилдаан зоxион байгуулагдана
Монгол Улсын Гавьяат тамирчин Ц.Шаравжмцын хүү Ш.Энхийн-Од АНУ-ын оюутны сагсан бөмбөгийн лигт Монголоос анх удаа тоглож байгаа билээ.
21 настай тэрбээр ирэх улиралд “Дэйтон” их сургуулийн багт тоглохгүй байхаар шийджээ. Улмаар Ш.Энхийн-Од агенттай болж, NBA-ийн драфтад нэрээ өгөхөөр шийдсэн байна. Ирэх улиралд өөр их сургуулийн багт тоглох боломж түүнд байсан. Гэхдээ Ш.Энхийн-Од мэргэжлийн замналаа эхлүүлэхийг илүүд үзлээ.
Ш.Энхийн-Од энэ жил 21 настай. Сагсан бөмбөгийн спортод мэргэжлийн замналаа эхлүүлэхэд оройтох хэмжээний нас. Нөгөө талаар түүнээс гадна гурван тоглогч ирэх улиралд “Дэйтон”-д тоглохгүй гэдгээ мэдэгдээд буй. Мөн дасгалжуулагчийн арга барил зэрэг цөөнгүй шалтгаан “Mongolian Mike”-ийг ийм шийдвэр гаргахад нөлөөлсөн.
Монгол тоглогч NBA-ийн драфтад нэрээ анх удаа өгч, шинэ тоглогчийн сонгон шалгаруулалтад оролцохоор болсон нь энэ.
Ингэснээр монголчууд мэргэжлийн сагсан бөмбөгийн хамгийн алдартай лигт монгол хүн тоглохыг харах мөч улам ойртлоо.
NBA-ийн драфт 2023 оны зургаадугаар сарын 22-нд АНУ-ын Нью-Йорк хотод болно.
0
0
0
0
0
0
0
0
