Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Хөгжлийн Банкны гурав дахь шатны өнөөдрийн сонсголд "Арьс ширийг дотооддоо гүн боловсруулах болон түүгээр бэлэн бүтээгдэхүүн үйлдвэрлэх үндэсний үйлдвэрлэгчдэд хөнгөлөлттэй зээл олгох төсөл"-ийн асуудлыг хэлэлцэж байна.
Уг зээлтэй холбогдуулан УИХ-ын гишүүн Ш.Адьшааг "Ховд хаан бирж" компанитай холбогдуулан гэрчээр дуудсан.
Сонсголын үеэр УИХ-ын гишүүн Ш.Адьшаагийн компанийн төслийн хүрээнд барьсан гэх арьс шир боловсруулах үйлдвэрийн зургийг орон сууцтай адил харагдаж байгааг УИХ-ын гишүүн Б.Энхбаяр тодруулахад тэрбээр, "Би ч энэ зургийг ойлгохгүй байна. Хаанаасаа гаргаад ирсэн зураг вэ. Би энэ салбарын хүн биш л дээ. Сайн сайхан зүйл хийе гэж ороод баларсан хүн. Төрийн зүгээс бодлого, хөгжил ярьдаг ч түүнийгээ хэрэгжүүлдэггүй, тэнд байдаг хүмүүс улс төрийн зорилгоор аливаа ажлыг гацаадаг жишээ нь энэ байгаа юм.
Цэвэрлэх байгууламжийн барилгыг барихын тулд 8 тэрбум төгрөгийг төр гаргасан ч одоо хүртэл барьж дуусгаагүй. Төр сайхан бодлого ярьдаг тэрийгээ хэрэгжүүлдэггүйн жишээ нь энэ. 2012 онд төсвийн мөнгөөр цэвэрлэх байгууламжийн тоног төхөөрөмж авч байсан. Энд 8 тэрбум төгрөгийг төр гаргасан. Би улс төр ярихгүй. Би хохирлоо гэж гоншгонохгүй. Гэхдээ иргэнийхээ үүргийг биелүүлээд зээлээ төлсөн" гэв.
0
0
0
0
0
0
0
0
