Манай улс НҮБ-ын Хүний эрхийн зөвлөлд дөрөв дэх тайлангаа хүргүүлнэ
Японы ерөнхий сайд Кишида Фүмио бэлгийн цөөнхийг доромжилсон утга бүхий үг хэлсэн засгийн газрын ажилтныг халжээ. Масаёши Арай бэлгийн цөөнх хүмүүсийг, ялангуяа хосуудыг харж, хажууд нь ч амьдарч чадахгүй гэж хэлсэн байна. Түүнчлэн бэлгийн цөөнхийн гэрлэлтийг хүлээн зөвшөөрч, хуульчилбал тус улсад маш олон асуудал гарах тухай хэлжээ. Харин Японы ерөнхий сайд түүний хэлсэн үгсийг утгагүй хэмээгээд засгийн газрын бодлоготой огтхон ч уялдахгүй байгаа талаар сануулсан байна.
Япон улс нь гэр бүлийн уламжлалт харилцааг орхигдуулаагүй, Их-7-гийн бүлгээс бэлгийн цөөнхийн гэрлэлтийг хуульчлаагүй ганцхан улс юм. Гэвч сүүлийн үед гарсан судалгаанууд Япончуудын ихэнх нь бэлгийн цөөнхийн гэрлэлтийг дэмжиж байгаа гэсэн үр дүнд хүрчээ. Түүнчлэн бэлгийн цөөнх хүмүүс тэдний гэрлэлтийг хүлээн зөвшөөрөхгүй байгаа нь Япон улсын үндсэн хуульд харшилж байгаа тухай сүүлийн жилүүдэд заргалдсаар ирсэн. Ерөнхий сайд Фүмио Кишида харин энэ талаар “уламжлал гэр бүлийн бүтцийг алдагдуулах эрсдэлтэй тул болгоомжтой авч үзэх асуудал” гэж парламент дээр хэлж байсан удаатай.
Эх сурвалж: BBC
0
0
0
0
0
0
0
0
