Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
"Зөвлөлдөж шийдье" зөвлөлдөх санал асуулгын эхний шатны мэдээлэл цуглуулалт 2023 оны нэгдүгээр сарын 31-ний өдрийн 20:00 цагийн байдлаар улсын хэмжээнд 94.7 хувьтай байна.
Эхний шатны мэдээлэл цуглуулалтад хамгийн сүүлийн удаа буюу 2020 онд явагдсан Улсын Их Хурлын болон аймаг, сум, нийслэл, дүүргийн иргэдийн Төлөөлөгчдийн Хурлын ээлжит сонгуулиар гаргасан сонгогчдын нэрийн жагсаалтаас тохиолдлын зарчмаар сонгож авсан 1570 хүн хамрагдана. Тусгайлан бэлтгэсэн мэдээлэл цуглуулагчид улсын хэмжээнд 157 цэгт ажиллаж, сонгогдсон өрхөд биечлэн очиж, санал асуулгыг авч байна.
"Зөвлөлдөж шийдье" зөвлөлдөх санал асуулгын эхний шатны мэдээлэл цуглуулалт 2023 оны хоёрдугаар сарын 2-ны өдрөөр дуусгавар болно хэмээн Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.
Нэмж мэдээлэхэд, Зөвлөлдөх санал асуулгаар Үндсэн хуульд нэмэлт өөрчлөлт оруулах асуудлаар иргэдийн саналыг авч байна. Тухайлбал, УИХ-ын гишүүдийн тоог нэмэгдүүлэх нь зөв эсэх, сонгуулийн тогтолцоог холимог болгох асуудлаар иргэдийн саналыг сонсож байна. Зөвлөлдөх санал асуулгын хоёрдугаар үе шат энэ сарын 14-нд Төрийн ордонд үргэлжилнэ.
0
0
0
0
0
0
0
0
