Монгол Улсын арслан М.Мөнгөн агсаны нэрэмжит xүчит бөxийн барилдаан болно
Португаль тоглогч, супер од Криштиану Роналду Саудын Арабын “Аль Насср” багтай гурван жилийн гэрээ байгуулж, жилд 200 сая еврогийн цалин авахаар болсон. Ингэснээр тэрбээр дэлхийн хамгийн өндөр цалинтай хөлбөмбөгчин болсон юм. Роналду монгол мөнгөөр жилд 720 тэрбум, сард 59,7 тэрбум, долоо хоногт 1.9 тэрбум, цагт 81.7 сая төгрөгийн цалин авах нь. Энэ нь хөлбөмбөгийн спортын түүхэн дэх хамгийн өндөр цалин. Тэгвэл өнөө цагт хөлбөмбөгчдөөс хамгийн өндөр цалинг хэн, хэн авч байна вэ?
ХОЁР: Бүх цаг үеийн шилдэг болох ирээдүйтэй гэгдэж буй Киллиан Мбаппе “Парис Сен-Жермен” клубээс жилд 115 фунт стерлингийн цалин авдаг. Энэ нь Роналдугийн дараа орох өндөр цалин. Энэ жил Францын шигшээ багаа дэлхийн аваргын төлөө дахин тоглуулж, финалд гурван гоол оруулсан Мбаппе 1996 оноос хойш алтан медалийн төлөөх тоглолтод хет-трик хийсэн анхны хөлбөмбөгчин болсон. Тэр PSG-д Месси, Нэймар нарын домгуудтай хамт тоглон, амжилтын төлөө хамтдаа зүтгэж буй. Мбаппе багаа солих эсэх олны анхаарлыг татат буй. Хэрвээ багаасаа явбал Роналдугаас өндөр цалингийн санал авах магадлал бий.
ГУРАВ: Энэ жил дэлхийн аварга болох зорилгодоо хүрч, дутуугаа гүйцээн, дэлхийн сая, сая хөгжөөн дэмжигчээ баярлуулсан Лионел Месси цалингаараа гуравдугаарт бичигдэж байна. Тэрбээр “Парис Сен-Жермен” клубээс жилд 108 сая фунт стерлингийн цалин авдаг.
ДӨРӨВ: Мбаппе, Месси нарын багийн хамтрагч Нэймар “Парис Сен-Жермен” клубээс жилд 78 сая фунт стерлингийн цалин авдаг. Энэ нь хөлбөмбөгчдөөс дөрөвт орох хэмжээний өндөр цалин. Энэ жил ДАШТ-ээс мултарч, Бразилын шигшээгийн хамт дараагийн дэлхийн аваргыг хүлээхэд хүрсэн Нэймар 2017 онд дэлхийн хамгийн өндөр үнэтэй хөлбөмбөгчин болж байв.
ТАВ: Египет улсын хөлбөмбөгч Мохаммед Салах “Ливерпуль” клубээс жилд 47 сая фунт стерлингийн цалин авдаг. Юрген Клопп түүнийг “Рома”-гаас 42 сая еврогоор авахад “Дээд зэрэглэлийн хоёр ч тоглогч авах мөнгө үрлээ” гэж хөгжөөн дэмжигчид чамлаж байв. Одоо харин тэдний буруу байсныг, хөлбөмбөгийн түүхэн дэх хамгийн ашигтай наймаа болсныг цаг хугацаа, Салахын амжилт, ур чадвар харуулсаар. Уналтад ороод байсан “Ливерпуль”-ийг тэр амжилтад хүргэсэн, тод од, итгэл найдвар нь болсон. 2018 онд “Ливерпуль”-ийн удирдлага “Мохаммед Салахыг багадаа 225 сая еврогоор зарна” гэж босго тогтоож байв.
ЗУРГАА: Мбаппегаас дутахгүй тодоос тод гялалзаж буй залуу од бол яахын аргагүй Эрлин Хааланд. 23 настай тэрбээр өнөө цагт хэдийнэ дэлхийд хүлээн зөвшөөрөгдөн, супер одын хэмжээнд үнэлэгдэж байна. Хааланд “Манчестер сити” клубээс жилд 35 сая фунт стерлингийн цалин авдаг.
ДОЛОО: Польш хөлбөмбөгчин Роберт Левандовский “Барселона” клубээс жилд 31 сая фунт стерлингийн цалин авдаг. 34 настай тэрбээр 2010-2014 онд “Боруссия Дортмунд”-д, 2014-2022 онд “Бавария”-д, 2022 оноос хойш “Барселона”-д тоглож байгаа юм. Левандовский 2013 онд “Аваргуудын лиг”-ийн хагас шигшээд дөрвөн гоол оруулсын анхны тоглогч болж байв.
Жилд Эден Азар “Реал мадрид” клубээс 28 сая, Андреас Инеста 27 сая, Кевин Де Брьюне “Манчестер сити”-гээс 26,5 сая фунт стерлингийн цалин авч, эхний аравт бичигдэж байна.
0
0
0
0
0
0
0
0
