Д.Сүхбаатарын талбайн зүүн, баруун талын авто замын хөдөлгөөнийг түр хаана
БНХАУ-ын Эрээний хил нээгдэх тухай болон боомтуудын үйл ажиллагаатай холбоотой асуудлаар Хууль зүй, дотоод хэргийн сайд Х.Нямбаатар мэдээллээ.
Тэрээр “Өнөөдөр боомтын сэргэлтийн үндэсний зөвлөл БНХАУ-ын Өвөрмонголын өөртөө засах орны дэд тэргүүлэгч, боомтын асуудал хариуцсан дарга Хуан Жи Чан тэргүүтэй боомтын асуудал хариуцсан даргатай цахим уулзалт хийлээ. Уулзалтын үеэр хоёр орны боомтын чиглэлээр баримталж байгаа бодлогууд, хамтын ажиллагааг цааш нь өргөжүүлэх чиглэлээр олон асуудлаар санал солилцлоо.
2021 оны арванхоёрдугаар сарын 19-ны өдөр батлагдсан Шинэ сэргэлтийн бодлогын боомтын сэргэлтийн хүрээнд БНХАУ-ын боомтын захиргаатай хамтарч ажиллах олон ажлын талаар нэг бүрчлэн санал солилцлоо. Тухайлбал,
- Төмөр замын хил холболтын асуудлууд, төмөр замын бүтээн байгуулалтын асуудлуудаар хоёр талаас ажлын төлөвлөгөө гаргаж ажиллах
- Гашуун сухайт ганц модны боомтын төмөр замын бүтээн байгуулалтын ажлыг цаашид үргэлжлүүлэн дуусгах талд хоёр талын байр суурийг илэрхийлж, 2023 оны нэгдүгээр сард багтаан бүтээн байгуулалтын ажлыг санхүүжүүлж, гүйцэтгэх. China Energy-ийн асуудал хариуцсан хүмүүсийг Монголд урьж, ирүүлэх талаар харилцан санал солилцлоо.
- БНХАУ-ын Өвөрмонголын өөртөө засах орны боомтын захиргааны зүгээс баримталж байгаа боомтод шинжлэх ухаан, технологийн ололтыг нэвтрүүлэх. Тухайлбал, AGV болон 5G технологийг ашиглаж, бараа бүтээгдэхүүний солилцоог нэмэгдүүлэх саналуудыг Өвөрмонголын талаас тавилаа. Бид бүх санал, хүсэлтүүдийг хүлээн авч, цаашид хамтран ажиллах саналуудаа илэрхийллээ.
- Цагаандэл Уул-Өлзий боомтын асуудлаар бидэнд санал тавилаа. Энэ нь хосёр улсын Засгийн газар хооронд боомт нээх хэлэлцээр хэрэгжихгүй байгаад санаа зовниж буйгаа илэрхийлсэн. Хоёр улсын хоорондын хэлэлцээрийн хэрэгжүүлэх талд бид чармайлт гаргаж ажиллахаа илэрхийллээ.
- Аюултай ачаа, тэсэрч, дэлбэрэх бодис нэвтрүүлдэг боомт зөвхөн Замын-Үүд, Эрээний боомтоор байна. Цаашид Өвөрмонголын талаас зорчигч ихээр нэвтэрдэг боомтуудаар аюултай ачаа, тэсэрч, дэлбэрэх бодисыг нэвтрүүлэх нь зохимжтой биш. Тиймээс ийм боомт нэмэгдүүлэх талаар Засгийн газраас тавьсан саналын дагуу Ханги Мандалын боомтыг энэ чиглэлийн ачаа, бараа тээвэрлэдэг боомт болгох талд танай тавьсан саналын дагуу судалж байна. Удахгүй харилцан стандарт солилцож, энэ чиглэлийн ажлыг 2023 онд үргэлжлүүлэх боломжтой гэдгээ илэлрхийллээ.
БНХАУ-ын 144-р онцгой шийдвэр гэж гарсан байна. Энэ шийдвэрээр 2023 оны нэгдүгээр сарын 8-аас эхлэн зорчигч тээврийн боомтуудыг шат дараатай нээх шийдвэр гарсан. Энэ нь хоёр талын бэлтгэл ажил хангагдсан байдлаас шалтгаалж зорчигчийн болон автозамын боомтуудыг нээх бэлтгэл ажилд орох шийдвэр гарсан байна. Яг нэгдүгээр сарын 8-ны өдрөөс гэж ойлговол өрөөсгөл болохоор байна. хоёр талын бэлтгэл ажил хангагдсан тохиолдолд Эрээн, Замын-Үүдийн боомтыг эхний ээлжид нээхээр хоёр талаас хангаж ажиллая гэж байна” гэв.
0
0
0
0
0
0
0
0
