Голомт банк 2024 оны “Онцлох ТоС Банк”-аар шалгарлаа
Өнгөрсөн амралтын өдүүдээр буюу арванхоёрдугаар сарын 24-25-нд Улаанбаатар хот орчимд цас орсон тул халтиргаа гулгаа үүсэхээс сэргийлэн зам талбайн цасыг арилгах, давс бодис цацах ажил үргэлжилж байна.
Нийслэлийн хэмжээнд зам талбайн цэвэрлэгээ үйлчилгээний 18 байгууллагын 917 зам талбайн үйлчлэгч, тусгай зориулалтын 84 машин, техник хэрэгсэлтэйгээр ажилласан. Мөн алслагдсан замд цас хунгарлаж даваа гүвээ хаагдах нөхцөл байдлаас урьдчилан сэргийлэн Морингийн даваа, Айдсын даваа, Ар гүнт, Өвөр гүнтийн замд давс, бодис цацлаа.
Хот тохижилтын газар ОНӨААТҮГ бодис цацагч 13 машин, 20 техник хэрэгсэл, 371 хүний бүрэлдэхүүнтэйгээр шөнийн ээлжээр ажилласан бөгөөд зам талбайн үйлчлэгч нар явган зам, нуухны цэвэрлэгээ хийж, халтиргаа гулгаанаас сэргийлэх арга хэмжээ авч буй.
Арванхоёрдугаар сарын 24-25-ны өдрүүдэд орсон цаснаар 330 тонн бодис, 577.7 тонн давс цацсан бөгөөд одоогоор 1528.94 тонн бодис, 3660.24 тонн давсны нөөцтэй байна.
0
0
0
0
0
0
0
0
