Монгол Улсын арслан М.Мөнгөн агсаны нэрэмжит xүчит бөxийн барилдаан болно
Монголын спортын “Оскар” гэгддэг “Бөртэ чоно” наадам энэ сарын 26-нд болно. Өнөө жил манай спортынхон амжилтын арвин “ургац” хурааж, ганзага дүүрэн байлаа. Энэ удаагийн “Бөртэ чоно-2022” наадмын шилдэг эрэгтэй тамирчинд 13, эмэгтэй тамирчинд 12 эрхэм нэр дэвшлээ.
Нэр дэвшсэн эрэгтэй тамирчид:
1.Алтангэрэлийн Азбаяр /таеквондо/
-Вьетнам улсын Хо Ши Мин хотод болсон залуучуудын Азийн аварга шалгаруулах тэмцээний хүрэл медаль
-Мексик улсын Гвадалахара хотод болсон насанд хүрэгчдийн дэлхийн аварга шалгаруулах тэмцээний 5-р байрын шагналт
2.Энхтайваны Ариунболд (жүдо бөх)
-“Ташкент-2022” дэлхийн аварга шалгаруулах тэмцээний мөнгөн медальт
3.Батмөнхийн Ачбадрах (цана)
-“Бээжин-2022” өвлийн олимпын наадамд эрхээ аван өрсөлдсөн.
4.Гантөмөрийн Баяндүүрэн (самбо бөх)
“Бишкек-2022” дэлхийн аварга шалгаруулах тэмцээний алтан медальт
5.Баттүвшингийн Билгүүн (сагсан бөмбөг)
-“Хасын Хүлгүүд” багийн хамтаар лигийн аварга болж, улирлын болон финалын Үнэ цэнэтэй тоглогчоор тодорсон.
-Азийн аварга шалгаруулах тэмцээний урьдчилсан шатанд шигшээ багаа ахлан амжилттай тоглож, гурван ялалт байгуулснаар дараагийн шатанд шалгарсан.
6.Ганболдын Ганбаяр (хөлбөмбөг)
-Словакийн хоёрдугаар лигийн “Комарно” клубт хоёр дахь улиралдаа амжилттай тоглож байна. Өнгөрсөн улиралд 26 тоглолтод 5 гоол, энэ улирал эхэлснээс хойш 7 тоглолтод 2 гоол оруулсан.
-Азийн цомын тэмцээний урьдчилсан шатанд Йемений эсрэг тоглолтод хоёр гоол оруулж, Монголын шигшээг ялалтад хөтөлсөн.
7.Энхтайваны Даваахүү (буудлага)
-“Каир-2022” дэлхийн аварга шалгаруулах тэмцээний 50 метрийн гар бууны холимог хосын мөнгөн медальт.
8.Сайнбаярын Жамбалжамц (дугуй)
-"Азийн Тур де Франс" гэгддэг "Тур оф Лангкави" олон өрийн уралдааны есдүгээр байр. /Азийн тамирчдаа тэргүүлсэн/
-2022 оны Засмал замын дугуйн Азийн аварга шалгаруулах тэмцээний бөөн гараатай уралдааны элит ангилалд хүрэл медаль
-Засмал замын дугуйн Азийн аварга шалгаруулах тэмцээний бөөн гараатай элит багийн уралдаанд мөнгөн медаль
-Туркийн Develi UCI 1.2 ангиллын гранпри тэмцээнд 1-р байр
-Азийн элит эрэгтэй дугуйчдын чансааны 2-р байр
9.Занданбудын Занабазар (чөлөөт бөх)
-“Белград-2022” дэлхийн аварга шалгаруулах тэмцээний хүрэл медальт
10.Мөнхтөрийн Лхагвагэрэл (чөлөөт бөх)
-“Белград-2022” дэлхийн аварга шалгаруулах тэмцээний мөнгөн медальт. Турк, Казахстаны олон улсын тэмцээний мөнгө, хүрэл медальт
11.Нармандахын Наранхүү /чөлөөт бөх/
“Белград-2022” дэлхийн аварга шалгаруулах тэмцээний хүрэл медальт
12.Цэнд-Очирын Цогтбаатар (жүдо бөх)
-“Ташкент-2022” дэлхийн аварга шалгаруулах тэмцээний алтан медаль, Парисын Их дуулгын хүрэл, Улаанбаатарын Их дуулгын мөнгөн медальт.
13.Team Mongolia (И-спорт)
-Дэлхийн и-спортын наадмын Lower Bracket төрөлд хүрэл медаль нар нэр дэвшив.
Жилийн жилд эрэгтэйчүүдээс шилдгээр хоёрыг, шилдгийн шилдгээр нэг тамирчныг тодруулдаг уламжлалтай. Энэ жил шилдгийн шилдгээр эрэгтэйчүүдээс Гавьяат тамирчин, дэлхийн аварга Ц.Цогтбаатар тодорч, шилдгийн шагналыг жүдо бөхийн ДАШТ-ээс мөнгөн медаль хүртсэн Э.Ариунболд, чөлөөт бөхийн дэлхийн дэлхийн дэд аварга, үндэсний бөхийн улсын заан болсон М.Лхагвагэрэл нар авах болов уу.
Нэр дэвшсэн эмэгтэй тамирчид:
1.Мөнхжанцангийн Анхцэцэг (хүндийг өргөлт)
-“Манама-2022” Азийн аварга шалгаруулах тэмцээний алтан медаль
-“Богота-2022” дэлхийн аварга шалгаруулах тэмцээний 87 кг-д түлхэлттэй өргөлтөөр мөнгөн медаль хүртсэн.
2.Бат-Эрдэнийн Мөнгөнзул (шатар)
-“Ченнай-2022” дэлхийн шатрын олимпиадын 4-р ширээнд 85 хувийн хожлоор алтан медаль хүртсэн.
3.Цогбадрахын Мөнхзул (буудлага)
-“Каир-2022” дэлхийн аварга шалгаруулах тэмцээний 50 метрийн гар бууны холимог хосын мөнгөн медальт
Дэлхийн аварга шалгаруулах тэмцээний хүрээнд явагдсан гранпри тэмцээний аварга
4.Төрмөнхийн Мөнхзул (шатар)
-“Ченнай-2022” дэлхийн шатрын олимпиадад амжилттай тоглож, их мастер цолны болзол хангасан.
5.Долгоржавын Отгонжаргал (чөлөөт бөх)
-“Белград-2022” дэлхийн аварга шалгаруулах тэмцээний мөнгөн медаль
-Турк, Казахстаны олон улсын тэмцээний хүрэл медальт
6.Батбуянгийн Сугарсүрэн (бодибилдинг)
-Дэлхийн аварга шалгаруулах тэмцээний хүрэл
-Азийн аварга шалгаруулах тэмцээний хүрэл медальт
7.Батхуягийн Хулан (чөлөөт бөх)
-“Белград-2022” дэлхийн аварга шалгаруулах тэмцээний мөнгөн медаль
-Азийн аварга шалгаруулах тэмцээний мөнгөн медальт
8.Энхболдын Хүслэн (даам)
-Азийн аварга шалгаруулах тэмцээний үндсэн болон рапид, блиц төрөлд тус бүр түрүүлж, 3 алтан медаль хүртсэн.
-Олон улсын их мастер цолны болзлыг ханган 2023 оны насанд хүрэгчдийн дэлхийн аварга шалгаруулах тэмцээний шигшээ тоглолтод оролцох эрхээ авсан.
9.Лхагватогоогийн Энхрийлэн (жүдо бөх)
-“Ташкент-2022” дэлхийн аварга шалгаруулах тэмцээний хүрэл медаль
-Улаанбаатарын Их дуулгын алтан медаль
10.Ариунсанаагийн Энхтуул (цана)
-“Бээжин-2022” өвлийн олимпын наадамд эрхээ аван өрсөлдсөн.
11.Батбаярын Энххүслэн (усанд сэлэлт)
-Тайланд улсад болсон тэмцээнээс 3 алт, 2 мөнгөн медаль хүртсэн.
-Дэлхийн аварга шалгаруулах тэмцээнд Монгол Улсын рекордыг хоёр удаа шинэчилсэн нар нэр дэвшлээ.
Эмэгтэй тамирчдаас энэ жил шилдгийн шилдгээр Гавьяат тамирчин М.Анхцэцэг шалгарах болов уу гэж таамаглаж байна. Тэрбээр энэ жил ДАШТ-ээс мөнгөн медаль хүртэн, Азийн хошой аварга болсон юм. Шилдэг тамирчнаар чөлөөт бөхийн ДАШТ-ээс мөнгөн медаль авсан Д.Отгонжаргал, Б.Хулан тодрох болов уу.
Ийн тодорсны дараа Монголын хамгийн шилдэг тамирчнаар Ц.Цогтбаатар тодорч, “Бөртэ чоно”-ын шилжин явах цомыг өргөх болов уу гэж таамаглаж байна. Өнгөрсөн жил Монголын хамгийн шилдэг тамирчнаар Хөдөлмөрийн баатар М.Уранцэцэг тодорч байсан юм.
0
0
0
0
0
0
0
0
