Монгол Улсын арслан М.Мөнгөн агсаны нэрэмжит xүчит бөxийн барилдаан болно
Ирэх оны гуравдугаар сард Турк улсын Анталья хотод болох спортын гимнастикийн өсвөрийн ДАШТ-д “Төгс дэлгэрэх” дунд сургуулийн есдүгээр ангийн сурагч С.Намуунжаргал оролцох гэж байна. Түүний хувьд 7 жил гимнастикаар хичээллэж байгаа, дэд мастер цолтой юм байна. Гэвч зардал мөнгөгүйн улмаас тэмцээндээ явахад хүндрэлтэй болжээ. Учир нь өсвөрийн тамирчид шигшээ багт харьяалагдаггүй учир улсаас ямар нэгэн дэмжлэг авдаггүй байна. Ингээд нийт 15 сая төгрөгөө хаанаас бүрдүүлэх вэ гэдэг нь томоохон сорилт болжээ. Тиймээс спортыг дэмжигч хэн бүхнийг тусламж үзүүлэхийг хүслээ.
С.Намуунжаргалын дасгалжуулагч Л.Мөнхзаяа “Тэмцээн уралдаанд бэлдэж бэлдчихээд, санхүүгийн бэрхшээлээд болоод зарим тэмцээнээ хойш нь тавихад хүрдэг. Одоогоор бидэнд төрөөс үзүүлэх дэмжлэг гээд байх зүйл байхгүй. Спонсорууд, ээж аавуудын дэмжлэгээр л гадаад улсад зохиогдох тэмцээндээ явдаг. Ихэвчлэн өөрсдөө бие дааж хөрөнгө босгодог. Ирэх жилийн тэмцээндээ явахын тулд 15 сая төгрөгийн дэмжлэг хэрэгтэй байгаа” гэлээ.
Харин С.Намуунжаргал “Бөхийн спорт маш их дэмжлэгтэй явдаг шүү дээ. Түүнтэй адилхан гимнастикийн тамирчдадаа ч улсаас дэмжлэг үзүүлээсэй гэж боддог. Зөвхөн бөх гэлтгүй бүх спортоо дэмждэг бол гоё. Би энэ тэмцээнд явахын тулд улсын болон хотын аваргын тэмцээнд тэргүүн байр эзэлсэн. Ирээдүйд олон улсын тэмцээнүүдэд яваад Дэлхийн аварга, азийн аварга, чадвал олимпийн наадамд өрсөлдөнө гэж боддог” гэлээ.
Тэрбээр Монгол улсын аварга Д.Хадбаатарын зээ охин аж. Энэ тухай ярихдаа “Өвөө маань Монгол улсын аварга Хадбаатар. Бас, манай эмээ морин спортоор хичээллэж байсан. Ээж 2008 оны олимпийн наадамд бэлдэж байсан, жүдо бөхийн тамирчин хүн бий. Гэр бүлийнхэн маань бүгд тамирчин болохоор спортдоо их хайртай” гэлээ.
С.Намуунжаргал охин Турк улсад дасгалжуулагчийн хамтаар очиж, эх орноо төлөөлөн ДАШТ-д оролцож, төрийн дууллаа эгшиглүүлэхэд хэдхэн сарын хугацаа үлдээд байна. Иймээс спортод хайртай Монголчуудыгаа дэмжлэг үзүүлэхийг хүслээ.
Хандивын данс: Хаан банк 5041142419,
Холбогдох утас:
Ээж Х.Уранзаяа 96116858
Дасгалжуулагч Л. Мөнхзаяа 99272888.
Бичлэгийг дээрээс үзнэ үү.
0
0
0
0
0
0
0
0
