Ч.Лодойсамбуу: Нэг удаагийн ажлын хөлснөөс НДШ авдагийг болиулна
Өчигдөр АТГ-аас нүүрсний хулгайтай холбоотой гэж 17 хүний нэрийг зарласан. Тэдний зарим нь болох УИХ-ын нэр бүхий таван гишүүн өнөөдөр АТГ-ын гадна мэдээлэл хийлээ.
Энэ үеэр УИХ-ын гишүүн Ц.Анандбазар “Энэ их сайн юм боллоо гэж бодож байна. Учир нь нүүрсний хулгай удаан үргэлжлэх байх. Монголын ард түмэн ядуу амьдралтай байхад ийм том хулгай байж болохгүй. Цаашид удаан үргэлжлэх байх. Бид тав юуны түрүүнд нэр төрөө сэргээлгэнэ. Тэгээд ард түмэнтэйгээ нийлнэ, хамтарч тэмцэнэ. Нүүрсний хулгайч нарыг бүгдийг нь илрүүлнэ. Нүүрсний хулгайн мөнгийг хурааж аваад ядарсан иргэдийн ипотекийн зээлийг төлүүлнэ. Ийм хуулийн төслийг ирэх жил өргөн барина. Нүүрсний хэрэгтэй огт хамаагүй гишүүдийн нэрийг зарласан нь их авьяас.
Бид тав дотор нүүрстэй холбоотой хүн байхгүй. Долдугаар ангиасаа хойш нүүрсний талаар мэдэхгүй гэж хэлснийг зарим хүн элэг доог болгож байна лээ. Үнэн нь л тэр. Бизнесмэн хүнд эрхэмлэдэг зан чанар, нандин зүйл гэж бий. Би өөрөө бурхны шашинтай. Хулгай гэдэг зүйлийг үнэхээр үзэн яддаг. Тиймээс энэ гүтгэлгийг няцаан, ард түмэнтэйгээ нийлээд нүүрсний хулгайг илрүүлэх бүлэг байгуулна. Жинхэнэ хулгайчийг илрүүлнэ.
Би сонгогдсон цагаасаа ард түмний амьдрал хэцүү байгааг эхнээсээ би ярьсан. Ингээд л намайг Сүнээ гээд янз бүрийн хүмүүстэй холбосон. Энэ бол цаанаасаа захиалгатай. Жинхэнэ хулгайчийг олох гэсэн ард түмний итгэлийг мухардуулж байгаа зүйл. Ингэлээ гээд бууж өгөхгүй.
Алдсан боломжийг ард түмэндээ авчрахын төлөө тэмцэнэ. Унтаж байгаа баавгайг сэрээсэн хулгайч нар өөрсдөө гомдох цаг ирнэ. Орос ардын үг бий. Та бүхэн цээжилж аваарай. Мөнгө төгрөгөнд битгий автаарай гэж хэвлэлийнхэндээ уриалъя” гэлээ.
0
0
0
0
0
0
0
0
