Манай улс НҮБ-ын Хүний эрхийн зөвлөлд дөрөв дэх тайлангаа хүргүүлнэ
“Гурван эмэгтэй – Дотоод ертөнц” үзэсгэлэнг Кемпински зочид буудалд дэлгэлээ. Үзэсгэлэнгийн эзэд нь модернист зураач Сүхбатын Шүрэнцэцэг, залуу уран бүтээлч бол Чимэд-Очирын Золжаргал, уртын дуучин Цэгмидийн Болормаа нар байлаа. “Эрч хүч, илэрхийлэл, амьдралын баяр баясгалангаар дүүрэн энэ гурван залуу эмэгтэйн дотоод сэтгэлийг үзэсгэлэн харуулж чадлаа. Тэдний ертөнцийг хэрхэн харж, мөрөөдөж болон магадгүй айдсаа хэрхэн урлагт хөрвүүлдэгийг илүү сайн сонсож, ойлгодогийг харсан” хэмээн үзэсгэлэн сонирхон ирсэн үзэгчид ярьж байсан юм. Тус үзэсгэлэн Швейцарийн хөгжлийн агентлаг дэмжин ажиллажээ.
“Нэг талаас, соёл урлагийг сурталчлан түгээх нь Швейцарын хөгжлийн агентлагийн асуудал юм. Тийм ч учраас ШХА-аас төсөл бүрийн соёлын төслүүд хэрэгжүүлдэг. Нөгөө талаас бие өөрөө соёл урлагт дуртай нэгэн. Уран бүтээлчид энэ нийгэмд маш чухал, тэдний дуу хоолойгоо хүргэдэг гэдэгт итгэлтэй байдаг. Тэд өөрчлөлтийг дэмждэг, тэд юмсыг асуудаг, тэдэнд ихэвчлэн галзуу мэт санаа төрж түүнийгээ цааш биелэл болгодог байна.
Энэ сарын сүүлээр уламжлал ёсоор жендэрт суурилсан хүчирхийллийн эсрэг 16 хоногийн кампанит аянаа зохион байгуулна. Швейцарын Холбооны Улс энэ кампанит ажлыг маш идэвхтэй дэмжиж ажилладаг. Миний хувьд гэсэн энэ их чухал кампанит ажил юм. Тиймээс ч энэ гурван хүчирхэг залуу эмэгтэйчуудыг дэмжин ажиллаж байгаад баяртай бид байна” хэмээн Швейцарын хөгжлийн агентлагийн дарга Стефани Бурри энэ үеэр ярьсан юм.
0
0
0
0
0
0
0
0
