Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
Мягмар гарагт ОХУ Украины эрчим хүчний байгууламжуудад онилж, пуужин харвалаа. АНУ-ын тагнуулын албаны хэлснээр энэ пуужин Украиныг давж, түүний хөрш Польш улсад унаснаар хоёр хүний аминд хүрсэн байна. Ингэснээр ОХУ НАТО-гийн гишүүн оронд халдсан хэрэг болох юм.
Харин ОХУ-ын батлан хамгаалах яамнаас эдгээр мэдээллүүдийг няцаагаад байна. НАТО болон АНУ-ын Үндэсний аюулгүй байдлын зөвлөл энэ хэргийн талаар шалгаж байна. Польшийн засгийн газрын хэвлэлийн төлөөлөгч Пиотр Мюллер АНУ-ын тагнуулын албанаас өгсөн мэдээллийн талаар дэлгэрэнгүй хэлээгүй бөгөөд томоохон удирдагчид "хямралын нөхцөл байдлын" улмаас яаралтай хурал хийж байна гэж мэдэгдсэн.
Мягмар гарагийн үдээс хойш Украинтай хиллэдэг Польшийн Пржеводов тосгонд сум туссаны улмаас хоёр хүн нас барсан тухай Польшийн хэвлэлүүд мэдээлж байна. Пуужин хөрш Молдав улсад ч мөн нөлөөлсөн байна.
Тухайлбал, тус улсыг хангадаг цахилгааны гол шугам тасарсаны дараа цахилгаан эрчим хүчний томоохон тасалдал гарсан гэж албаны хүн мэдэгджээ. Пуужингийн цохилт нь Украины ихэнх хэсгийг харанхуйд автуулж, Ерөнхийлөгч Володимир Зеленский үүний хариуд "Бид бүх зүйлийг даван туулах болно" гэж мэдэгдсэн байна.
SOURCE: CNBC
0
0
0
0
0
0
0
0
