Ч.Хантүмэн: Данс хаачихлаа, дарга нарыг мууллаа гээд ингэв үү
Монголын гимтастикийн спортын нүүр царай болж, эх орныхоо нэрийг дуурсгаж яваа цөөнгүй тамирчин бий. Өнөө цагт хамгийн тод гялалзаж яваа Д.Энхтүвшин, Э.Өсөхбаяр нар. Үндэсний шигшээ багийн тамирчин тэд олимп, дэлхийн аварга болохын төлөө өдрөөс өдөрт хичээн, бүхнээ зориулж явна. Тэдэнтэй ярилцлаа.
-Манай уншигчдад өөрсдийгөө танилцуулахгүй юу?
-Намайг Дамдиндоржийн Энхтүвшин (Д.Э) гэдэг. Спортын гимнастикаар 11 жил хичээллэж байна. Үндэсний шигшээ багийн тамирчин.
-Намайг Эрхэмбаярын Өсөхбаяр (Э.Ө) гэдэг. Спортын мастер цолтой. Үндэсний шигшээ багийн тамирчин. Гимнастикийн спортоор 11 дэх жилдээ хичээллэж байна.
Д.Э:- Би энэ спортоор есөн настайдаа хичээллэж эхэлсэн. Бэлтгэл хийж эхлэхэд л энэ спорт надад маш их таалагдсан. Тээгд тууштай хичээллэн, тамирчин болохоор шийдсэн.
Э.Ө:- Надад ч бас бэлтгэл хийсэн өдрөөс л шууд таалагдсан, сонирхолтой санагдсан. “Энэ л яг миний хичээллэх, надад тохирох спорт” гэсэн бодол төрсөн. Зөв сонголт хийсэндээ баяртай, сэтгэл хангалуун явдаг.
-Спортын гимнастикаар хичээллэснээр хувь хүнийхээ хувьд хэрхэн хөгжсөн бэ?
Д.Э:- Энэ спортоор хичээллэхийн давуу тал олон. Биеийг нэгэн жигд хөгжүүлдэг. Хичээллэхэд сонирхолтой. Спортын гимнастикаар хичээллэснээр тэсвэр хатуужилтай, өөртөө итгэлтэй болсон. Өөрийгөө ялах, шантрахгүй, халшрахгүй байхын чухлыг мэдэрсэн.
Э.Ө:- Ялалт, ялагдлыг амтыг мэдэрч, спортын гоё, муухай бүхий л мэдрэмжүүдийг аваад явж байна. Тэгэх тусам спортод улам татагддаг. Би ч мөн энэ спортоор хичээллэснээр өөртөө итгэлтэй болсон. Юу ч хийсэн “Чадна” гэж бодож, тэсвэр хатуужилтай болсондоо олзуурхдаг.
Д.Э:- Өөрийгөө ялаад амжилтад хүрэх үнэхээр гоё. Бэлдсэн үзүүлбэрээ тэмцээн дээр 100 хувь хийгээд, өөрийгөө ялах хэчнээн сайхан гэж санана.
-Өчүүхэн алдаа гаргавал тэмцээн, бэлтгэл дээр бэртэх, хүссэн амжилтдаа хүрэхгүй байх эрсдэлтэй. Алдаа гаргачих вий гэж айдаг уу?
Э.Ө:- Өмнөх тэмцээн, гаргасан алдаанаасаа болоод “Дахиад алдах вий” гэсэн бодолтой болчихсон, үнэнийг хэлэхэд. Үүн дээр сэтгэл зүйчтэй ажиллаж байгаа. Ер нь тиймэрхүү бодлоо засах, сэтгэл зүйгээ тайван байлгаж сурахын төлөө хичээж байгаа. Манай спортын тамирчид тэмцээн дээр 10 элемент хийдэг. Хамгийн сайн хийж чадах, хамгийн өндөр үнэлгээтэй 10 элементийг бэлдээд, тэмцээнд оролцдог.
Д.Э:- Ер нь сандардаг. Нүдээ анин, бэлтгэл дээр хийдэг юмаа л гүйцэтгэж байна гэнж бодоод оролцдог. Тэгж айдсаа, сандралаа даван туулдаг. Ер нь айдастайгаа нүүр тулах чадвартай байх хэрэгтэй. Хэрвээ алдчих юм бол дахиад хийх чадвартай, сэтгэл зүйтэй байх чухал.
-Одоогоор гаргаад буй амжилтуудаас сонирхуулахгүй юу?
Д.Э:- 2019 онд Монголд болсон Азийн цомд Монголоос анх удаа багаараа хүрэл медаль авсан. Өнгөрсөн жил Туркэд болсон Дэлхийн цомд финалдан, VII байрт шалгарсан. Улсын найман удаагийн аварга.
Э.Ө:- Одоогоор би өсвөр үеийн дэлхийн аваргад оролцсон. Азийн цомоос хүрэл медаль хүртсэн. Улсын хоёр бил үү гурван удаагийн аварга.
-Ойрын хугацаанд ямар тэмцээнд оролцох вэ?
-Арваннэгдүгээр сарын сүүлээр ОХУ руу тэмцээнд явна. Тэнд гурван тэмцээнд дараалж оролцоно. Тамирчин бүхэн олимп, дэлхийн аварга болохыг мөрөөддөг. Бид хоёр ч мөн тийм мөрөөдөлтэй. Хоёргүй сэтгэлээр зүтгэн, бэлтгэлээ уйгагүй хийвэл зорилгодоо хүрэх байх аа. Гол нь бид хоёроос л бүх зүйл шалтгаална.
0
0
0
0
0
0
0
0
