“Авлига ургасан толгойг өөрчлөхгүй, ургасан үсийг нь машиндаад байх юм”
УИХ дахь МАН-ын бүлгийн хурлаар хэлэлцсэн асуудал, гаргасан шийдвэрийн талаар Бүлгийн дарга Д.Тогтохсүрэн мэдээлж байна.
Тэрээр хэлэхдээ "Өнөөдрийн хурдаар хоёр асуудал хэлэлцэж шийдвэрлэлээ. Нэгдүгээр асуудал нь УИХ-ын гишүүн Н.Алтанхуягийн өргөн барьсан “Эрдэнэт үйлдвэрийн технологид тохирохгүй овоолгыг ашиглах тухай” хэлэлцсэн.
Энэ асуудлыг Үйлдвэржилтийн байнгын хороо болон Нэгдсэн чуулганаар хэлэлцэнэ. Энэ асуудлыг өмнө нь тус байнгын хороогоор нэг удаа хэлэлцэж, эрхзүйн дүн шинжилгээ хийлгэхээр УИХ-ын Тамгын газрын Хууль эрхзүйн хэлтэст хүргүүлсэн. Эрхзүйн дүн шинжилгээ гарсан.
Дүн шинжилгээнд “Эрдэнэт үйлдвэрийн технологид тохирохгүй хүдрийн овоолгыг ашиглах тухай” асуудлаар УИХ-аас тогтоол гаргах шаардлагагүй. Засгийн газар эрх мэдлийн хүрээнд шийдвэрлэх, овоолгыг ашиглах боломжтой гэж үзсэн. Өмнө нь Ачит эхт, Зэс эрдэнийн хувь, Эрдмин зэрэг компани овоолгыг ашиглаж байсан. Эдгээрийн зөвшөөрлийг Засгийн газар өгч байсан. Тиймээс Н.Алтанхуяг гишүүний өргөн барьсан тогтоолын төслийг ЗГ шийдвэрлээд явах боломжтой асуудал учраас УИХ-аар оруулах шаардлагагүй гэж МАН-ын бүлэг үзсэн.
Хоёрдугаарт, Боловсролын ерөнхий хуулийн асуудлаар анхны хэлэлцүүлэгт бэлтгэж байна. Боловсролын таван хууль УИХ-д өргөн баригдсан. Хэлэлцэх эсэхийг УИХ шийдвэрлэсэн. УИХ-ын намрын чуулганд багтааж Боловсролын нэгдсэн хууль болон нэгдсэн хуулиудыг хэлэлцэж дуусгана гэсэн чиглэл өгснөөр өнөөдрийн МАН-ын бүлгийн хурал өндөрлөж байна" гэв.
0
0
0
0
0
0
0
0
